Akin kiixyekana Banco Mundial kitematiltij itech metsti junio xiuit 2022, ke oksepa uelis semi tapatiyouas. Axkan nochi tein monamaka semi patiyoj, sayoj ke amo semi tatanij akin tekitij.

 Akin pouij itech Fondo Monetario internacional kijtouaj: “Gasolina uan nochi tein ika timoixpanoltiaj okachi patiyoua, uan nejin okachi kinijtakouani akin nemij kampa semi tatasojti”.

 Biblia techpaleuia maj tikajsikamatikan keyej okachi tapatiyoua, toni uelis techpaleuis uan ox moyektalis satepan nejin kuejmol.

•   Biblia kijtoua ke tinemij itech “tonalmej keman tatamitiya” (2 Timoteo 3:1).

•   Jesús kijtoj ke itech nejin tonalmej kiitaskiaj tein nochin kintetsaujkamojmoujtiskia (Lucas 21:11). Keman okachi tapatiyoua miakej momoujtiaj, porin amo kimatij toni panos satepan uan ox uelis kuali kintekipanoskej ininchankauan.

•   Amatajkuilol Apocalipsis kijtoj ke itech nejin tonalmej, nochi tein ika timoixpanoltiskiaj okachi patiyoj yeskia, ompa kijtoua: “Nikakik kemej yeskia aksa kijtouaya: ‘Se kilo trigo ipatiuj se denario uan eyi kilo sebada ipatiuj se denario’” (Apocalipsis 6:6).

 Komo tikonneki tikonmatis okachi toni panoskia itech “tonalmej keman tatamitiya” uan tein kijtoj amatajkuilol Apocalipsis ke panoskia, xikonita video, Itech 1914 nochi mopatak itech taltikpak, uan xikonita tamachtilis, “¿Toni kiixnextiaj nauin akin youij ipanko caballos?”.

•   “Kinchijchiuaskej kalmej uan ompa nemiskej; kitokaskej uvajmekat uan kikuaskej itakilo. Amo kinchijchiuaskej kalmej uan oksekin kikuiskej, nion tatokaskej uan oksekin kikuaskej” (Isaías 65:21, 22).

•   “Itech taltikpak onkas miak tatet, ininkuapan tepemej semi motachiuas” (Salmo 72:16).

•   “Jehová kijtoua: ‘Nimoketsas para nikinmakixtis akin tajyouijtokej uan akin yoltejkoj porin pobres’” (Salmo 12:5). a

 Amo uejkaua, Dios kichiuas maj amo tatasojtiok uan amo kichiuas sayoj itech se altepet, ta itech nochi taltikpak. Komo tikonneki tikonmatis keniuj kichiuas, xikonita tamachtilis, “¿Es realista esperar un sistema económico justo?”.

 Sayoj ke hasta ke Dios kiyektalis nejin kuejmol, Biblia uelis mitsonpaleuis xikonixnamiki nejin ouijkayot, ¿keniuj? Techyolmajxitia keniuj uelis kuali tiktekitiltiskej totomin (Proverbios 23:4, 5; Eclesiastés 7:12). Komo tikonneki tikonmatis okachi xikonita tamachtilismej, “Xikonyekpia motomin” uan “Cómo vivir con menos”.