TLAMACHTIL 44
¿Kipaktia toTajtsin Dios nochi iluimej?
Jehová kineki matiyolpakikan uan matiiluichiuakan. Pero, ¿kiyolpaktia nochi iluimej? ¿Ken uelis tikteititiskej tiktlasojtlaj uan amo tiknekij tikyolkokoskej?
1. ¿Tleka toTajtsin Dios amo kipaktia nochi iluimej?
Xamo mitstlajtlachialtis tikmatis seki iluimej amo moijtouaj itech Biblia uan seki iluimej amo opejki kinchiuaj akinmej okitekichiuiliayaj toTajtsin Dios yiuejkika. Miakej iluimej kisaj itech religión tlen amo melauak uan noijki itech naualotl. Noijki seki iluimej kiteititiaj ijkuak ikaj ixpoliui ok itlaj yoltok. Noijki ijkuak sekimej iluichiuaj kichiuaj seki costumbres porque kineltokaj tla amo ijkon kichiuaskej uelis kinpanos itlaj tlen amo kuali (Isaías 65:11). Ikinon Jehová kinnauatia itekipanojkauan: “Ximoxelokan. Ayakmo xikitskikan tlen amo chipauak” (2 Corintios 6:17). a
2. ¿Ken kita Jehová ijkuak kinmiluichiuiliaj oksekimej?
Jehová techiluia ‘amo matikneltokakan tlen kijtouaj oksekimej’ porque uelis techijtlakoskej (xiktlajtolti Jeremías 17:5). Ualeua kinmiluichiuiliaj soldados, tekiuajkej, bandera uan okseki tlamantli (1 Juan 5:21). Noijki sekimej kinekij mamochiua tlen kijtouaj políticos noso tlen oksekimej kinekij. ¿Ken momachilis Jehová tla tikinpaleuiaj akinmej kichiuaj tlen ye amo kipaktia?
3. ¿Tlen amo kipaktia Jehová ijkuak sekimej iluichiuaj?
Biblia kijtoua amo matitlauanakan nion matimoyolpaktikan ika tlen amo kuali (1 Pedro 4:3). Ualeua itech iluimej sekimej kichiuaj tlen amo kuali. Tla tiknekij timouikaskej iuan Jehová, moneki tikpiaskej chipauak tonemilis.
MATIMOMACHTIKAN
Matikitakan kox tiiluichiuaskej noso amo uan ijkon tikyolpaktiskej Jehová.
4. Amo xikchiua itlaj tlen kiteititis amo tiktlakaita Jehová
Xiktlajtoltikan Efesios 5:10 uan satepan xikitakan tlen namechmachtia.
-
¿Tlen moneki tikilnamiktoskej ijkuak tikpejpenaskej kox tiiluichiuaskej noso amo?
-
¿Tlen iluimej kichiuaj ik kanin tichanti?
-
¿Kox kipaktia Jehová?
¿Yotimotlajtlani kox kipaktia toTajtsin Dios matiiluichiuakan ijkuak ikaj kajxitia xiuitl? Itech Biblia amo kijtoua kox itekipanojkauan Jehová oiluichiuayaj ijkuak ikaj okajxitiaya xiuitl. Pero kijtoua sekimej oiluichijkej ijkuak okajxitijkej xiuitl pero yejuan amo okitekichiuiliayaj Jehová. Xiktlajtoltikan Génesis 40:20-22 uan Mateo 14:6-10 uan satepan xikitakan tlen namechmachtia.
-
¿Tlen okichijkej itech ome iluimej?
-
Tlen tikijtoskia, ¿ken kita Jehová ijkuak sekimej iluichiuaj ijkuak ikaj kajxitia xiuitl?
Ximotlajtlani: “¿Melauak nikyolkokos Jehová tla nias itech se iluitl kanin ikaj okajxiti xiuitl noso tla nias itech se iluitl kanin kichiuaj tlen kixnamiki Biblia?”. Xiktlajtoltikan Éxodo 32:1-8. Noijki xikitakan VIDEO uan satepan xikitakan tlen namechmachtia.
-
¿Tleka moneki tikitaskej kox kipaktia Jehová tlen tikchiuaskej?
-
¿Ken uelis ijkon tikchiuaskej?
¿Ken uelis tikmatiskej kox kipaktia Jehová seki iluimej?
-
¿Kixnamiki tlen kijtoua Biblia? Xikita ken opejki kichiuaj.
-
¿Kinueyichiuaj sekimej noso seki grupos, bandera uan okseki tlamantli? Tejuan tikueyichiuaj san Jehová uan tikneltokaj san ye kiyektlalis nochi tlen techtlajyouiltia.
-
¿Tlen kichiuaj itech iluimej kixnamiki tlen kijtoua Biblia? Moneki tikpiaskej chipauak tonemilis.
5. Kuali xikinyekilui oksekimej tlen tikneltoka
Xamo tikitaj oui ijkuak oksekimej techiluiaj inuan matiiluichiuakan. Kuali xikinyekilui oksekimej tlen tikneki tikchiuas. Para tikmatis ken uelis tikchiuas, xikitakan VIDEO.
Xiktlajtoltikan Mateo 7:12 uan satepan xikitakan tlen namechmachtia.
-
Ijkon ken kijtoua nin texto ¿uelis tikiluis se mofamiliar amo mailuichiua?
-
¿Ken uelis tikinmititis mofamiliares tikintlasojtla maski amo inuan tiiluichiua?
6. Jehová kineki matiyolpakikan
Jehová kineki matiyolpakikan iuan tofamilia uan noijki inuan akinmej timouikaj. Xiktlajtoltikan Eclesiastés 8:15 uan satepan xikitakan tlen namechmachtia.
-
¿Ken techititia nin texto Jehová kineki matiyolpakikan?
Jehová kineki san sekan mayetokan uan mamoyolpaktikan itekipanojkauan. Xikitakan VIDEO uan ompa nankitaskej ken ijkon mochiua itech uejueyij nechikolmej internacionales.
Xiktlajtoltikan Gálatas 6:10 uan satepan xikitakan tlen namechmachtia.
-
¿Moneki tiiluichiuaskej iuan oksekimej para tikteititiskej titetlasojtlaj?
-
¿Keman mitspaktiskia itlaj tiktetliokolis, ijkuak iluichiuaj noso san tlen tonal?
-
ITlaixpantijkauan Jehová moyolpaktiaj iuan inkoneuan uan noijki itlaj kintliokoliaj. Tla tikinpia mokoneuan, ¿tlen uelis tikchiuas para mayolpakikan?
SEKIMEJ KIJTOUAJ: “Amo moneki tikmatiskej ken opejki seki iluimej. Okachi ipati matiyolpakikan iuan tofamilia uan toyolikniuan”.
-
¿Tlen tikijtoskia tla ikaj ijkon mitsiluis?
XIKILNAMIKTO
Jehová kineki matiyolpakikan iuan tofamilia uan toyolikniuan pero amo kineki matikchiuakan tlen amo kipaktia.
Matikojpauikan
-
¿Tlen moneki timotlajtlaniskej para tikmatiskej tla Jehová kipaktia se iluitl?
-
¿Ken uelis tikiluiskej tofamilia uan toyolikniuan tleka amo tikchiuaj seki iluimej?
-
¿Ken tikmatij Jehová kineki kuali matimomachilikan uan matiyolpakikan?
NIN NOIJKI MITSPAKTIS
Xikita tlen iluimej amo kichiuaj iTlaixpantijkauan Jehová.
“¿Tleka iTlaixpantijkauan Jehová amo kichiuaj seki iluitl?” (Nin tlamachtil kajki itech jw.org/ncx)
Xikita tleka toTajtsin Dios amo kipaktia matiiluichiuakan ijkuak ikaj kajxitia xiuitl.
Xikita ken konemej tla kitlasojtlaj Jehová, uelis kiyolpaktiskej ijkuak oksekimej iluichiuaj.
Akinmej kichiuaj ken Cristo amo kichiuaj Navidad, ¿pero melauak yolpakij?
“Axkan melauak yolpakij” (Akin Tetlapouijtok, 1 de diciembre 2012)
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
