TLAMACHTIL 58
Nochipa xiktekichiuili Jehová
Akinmej melauak tikchiuaj ken Cristo timochijchikauaj nochipa tiktekichiuiliskej Jehová. Xamo tejuatsin noijki tikneki ijkon tikchiuas uan Jehová kipatioita (xiktlajtolti 1 Crónicas 28:9). ¿Tlen uelis kichiuas ayakmo xiktekichiuili Jehová? ¿Tlen uelis mitspaleuis para titlaxikos?
1. ¿Tlen uelis kichiuaskej oksekimej para ayakmo matiktekichiuilikan Jehová?
Sekimej kinekiskej ayakmo matiktekichiuilikan Jehová. Xamo ijkon kinekiskej akinmej ayakmo iTlaixpantijkauan Jehová, yejuan uelis mitsiluiskej tlen amo melauak para ayakmo xiktekichiuili, akinmej ijkon kichiuaj kinmixmatij ken apóstatas. Noijki sekimej teopixkej tlakajkayauaj uan kijtouaj tikchiuaj tlen amo kuali ijkon sekimej kikauaj Jehová. Techijtlakos tla inuan timotlapouiaj uan tla tiktlajtoltiaj tlen kitlaliaj itech internet noso tla tikinmitaj videos tlen yejuan kinchijchiuaj. Ijkuak Jesús otlajto itech akinmej amo kinekij matiktekichiuilikan Jehová okijto: “Xikinkauakan. Yejuan amo tlachiaj pero kinyekanaj oksekimej. Tla ikaj tlen amo tlachia kiyekana okse tlen amo tlachia, san sekan uetsitiuij ijtik se tekochtli” (Mateo 15:14).
¿Tlen tikchiuaskej tla akin iuan timouikaj noso se tofamiliar ayakmo kineki kitekichiuilis Jehová? Ijkuak ijkon panoua sapanoua timoyolkokouaj. Moneki tikpejpenaskej akin iuan timouikaskej, ye noso Jehová. Tejuan tiknekij san tiktlasojtlaskej Jehová (Mateo 10:37). Ikinon tiktlakamatij Jehová uan amo inuan timouikaj porque uelis techijtlakoskej (xiktlajtolti 1 Corintios 5:11).
2. ¿Tlen uelis kichiuas ayakmo matiktekichiuilikan Jehová?
Tejuan tiktlasojtlaj Jehová, ikinon amo tiknekij tikchiuaskej itlaj tlen poui itech religiones tlen tlakajkayauaj. Moneki kuali tikpejpenaskej tlen tikchiuaskej uan kanin titekipanoskej para amo tikchiuaskej ken akinmej pouij itech religiones tlen tlakajkayauaj. Jehová techiluia: “Ayakmo ompa xiyetokan” (Apocalipsis 18:2, 4).
MATIMOMACHTIKAN
Xikita tlen uelis mitspaleuis para nochipa xiktekichiuili Jehová. Noijki tla amo timokajkalakis itech religión tlen amo melauak, tikteititis san Jehová tikneki tikueyichiuas.
3. Amo mamitskajkayauakan akinmej tlamachtiaj tlen amo melauak
¿Tlen tikchiuaskej tla ikaj kijtoua tlen amo melauak itech iTlaixpantijkauan Jehová? Xiktlajtoltikan Proverbios 14:15 uan satepan xikitakan tlen namechmachtia.
-
¿Tleka moneki timomaluiskej para amo tikneltokaskej nochi tlen techiluiaj?
Xiktlajtoltikan 2 Juan 10 uan satepan xikitakan tlen namechmachtia.
-
¿Moneki tikinkakiskej akinmej ayakmo kinekij kitekichiuiliskej Jehová?
-
Maski amo inuan timotlapouiaj, ¿techijtlakos tla tiktlajtoltiaj noso tikitaj tlen yejuan kitlaliaj itech internet?
-
¿Ken momachilis Jehová tla tejuan tikkakij noso tiktlajtoltiaj tlen yejuan kijtouaj?
4. Okachi xiktlasojtla Jehová uan amo akin tlajtlakolchiua
Tla tikmatij ikaj akin iuan timonechikouaj otlajtlakolchi, ¿tlen moneki tikchiuaskej? Xikita tlen techmachtia tlanauatil tlen okinmakakej israelitas. Xiktlajtoltikan Levítico 5:1.
Ijkon ken kijtoua nin texto, tla tikmatij ikaj otlajtlakolchi moneki tikinmiluiskej tlayekankej. Pero achto moneki iuan timotlapouiskej uan tikyolchikauaskej makinmilui tlayekankej tlen okichi. Tla ye amo ijkon kichiua, tejuan moneki tikinmiluiskej tlayekankej porque tiktlasojtlaj Jehová. ¿Tleka tla ijkon tikchiuaskej tikteititiskej...
-
... tiktlasojtlaj Jehová?
-
... tiktlasojtlaj akin otlajtlakolchi?
-
... tikintlasojtlaj oksekimej tokniuan?
Tla se tokni otlajtlakolchi, ¡xikpaleui!
5. Amo xikchiua itlaj tlen poui itech religiones tlen tlakajkayauaj
Xiktlajtoltikan Lucas 4:8 uan Apocalipsis 18:4, 5 uan satepan xikitakan tlen namechmachtia.
-
¿Ok nestok notoka kanin achto onimonechikouaya?
-
¿Nikchijtok itlaj tlen poui itech religiones tlen tlakajkayauaj?
-
¿Poui noteki itech religiones tlen tlakajkayauaj?
-
¿Ok itlaj moneki nikkauas tlen poui itech religiones tlen tlakajkayauaj?
-
Tla ok tikchiua itlaj tlen poui itech religiones tlen tlakajkayauaj, ¿tlen moneki tikchiuas?
Tla kuali tikpejpenas tlen tikchiuas, tiyolpakis uan tikteititis san Jehová tikueyichiua.
¿Tlen tikchiuaskia tla ikaj mitsiluis xitlapaleui para itlaj kichiuaskej itech religiones tlen tlakajkayauaj?
SEKIMEJ KIJTOUAJ: “Moneki nikmatis tlen kijtouaj akinmej ayakmo kitekichiuiliaj Jehová uan ijkon uelis nikijtos san tlakajkayauaj”.
-
¿Moneki ijkon tikchiuas? ¿Tleka ijkon timokuayejyekoua?
XIKILNAMIKTO
Tla tiknekij san Jehová tikueyichiuaskej, moneki ayakmo timouikaskej inuan akinmej ayakmo kitekichiuiliaj. Noijki amo moneki tikchiuaskej itlaj tlen poui itech religiones tlen tlakajkayauaj.
Matikojpauikan
-
¿Tleka amo moneki tikitaskej, tiktlajtoltiskej noso tikkakiskej tlen kijtouaj akinmej ayakmo kinekij kitekichiuiliskej Jehová?
-
¿Ok uelis timouikaskej inuan akinmej ayakmo kinekij yetoskej iTlaixpantijkauan Jehová?
-
¿Tlen moneki tikchiuaskej para ayakmo tipouiskej itech religiones tlen tlakajkayauaj?
NIN NOIJKI MITSPAKTIS
Xikita tlen moneki tikchiuas tla oksekimej kijtouaj iTlaixpantijkauan Jehová kichiuaj tlen amo kuali.
“¿Tikmatij nochi tlen opanok?” (Akin Tetlapouijtok, agosto 2018)
¿Ken uelis tikmatis kox tlen kichiuaj oksekimej poui itech ueyi Babilonia?
¿Tlen kichiuaj akinmej techkokoliaj para ayakmo matitlaneltokakan?
Xikita tlen okichi se teopixki para ayakmo kichiuas tlen poui itech religiones tlen tlakajkayauaj. Itech tlamachtil “Desde nichokotsin oniknekiaya nikixmatis toTajtsin Dios”.
“Biblia okinpatili innemilis” (Akin Tetlapouijtok, 1 de julio 2011)
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
