TLAXELOL 4
¿Tlen opanok pampa Adán uan Eva okikakilijkej Satanás?
Ken Adán uan Eva amo okitlakamatkej toTajtsin Dios, omikej (Génesis 3:6, 23)
Eva okikakili koatl uan okikua tlakilotl. Satepan okimakak Adán uan noijki okikua.
Tlen okichijkej amo kuali okatka, okichijkej se tlajtlakoli. Ik non, toTajtsin Dios okinkixti itech xochitlali.
Yejuan uan ikoneuan opejkej tlajyouiaj. Adán uan Eva okokoxkatikej noso oueuejtikej uan satepan omikej. Yejuan amo oyajkej iluikak nion oyajkej oksekan, yejuan ayakmo oyoltokaj.
Akinmej yomikej ayakmo itlaj uelij kichiuaj, yomokuepkej tlali (Génesis 3:19)
Nochtin timikij pampa tiixuiuan Adán uan Eva. Akinmej yomikej ayakmo tlakakij nion tlachiaj nion itlaj kichiuaj (Eclesiastés 9:5, 10).
Jehová amo kinekia ma mikikan tlaltikpaktlakamej. Amo miak kauitl poliui pampa kinyolitis akinmej yomikej. Tla yejuan kitlakamatiskej, yoltoskej nochipa.
Xamo noijki mitspaktis
TLEN OKACHI IPATI TLAMACHTIA BIBLIA
¿Ken katej akinmej yoixpolikej?
Biblia kijtoa satepan miakej kinyolitiskej ijkon ken okiyolitijkej Lázaro.
TLEN OKACHI IPATI TLAMACHTIA BIBLIA
¿Tleka toTajtsin Dios ok kikajtok ma titlajyouikan?
Miakej kinekij kimatiskej tleka san kanin onka miak tlajyouilistli. Biblia techiluia tleka titlajyouiaj uan non techyolseuia.
BIBLIA ¿TLEN TECHILUIA?
Okinkixtijkej itech Xochitlal
Ijkuak toTajtsin Dios okijto tlen kinpanoskia Adán uan Eva tlen amo otetlakamatkej, ¿tlen chialistli okitemakak toTajtsin Dios?
