Jacob omoteui iuan se ángel para ma kiteochiua Jehová (Mat. 6:33; Os. 13:5). ¿Timochijchikajtok tiktlakamatis Jehová para ma mitsteochiua? Ma tikijtokan moneki tikpejpenas tla timonechikoti noso okachi titekipanos, ¿tlen tikchiuas? Tla timochijchikauaj okachi tiktekichiuiliaj Jehová uan tikmakaj tlen tikpiaj, ye techteochiuas uan amitlaj techpolos (Mal. 3:10). Techyekanas, techmaluis uan techpaleuis para ma tikpiakan tlen ika timopanoltiskej (Mat. 6:33; Heb. 13:5).

IJKUAK YOTIKITAK VIDEO AMO XIKILKAUA TIKTEKICHIUILIA JEHOVÁ, XIKINNANKILI NINMEJ TLAJTLANILMEJ:

• ¿Tlen ouijkayotl okipixki tokni?

• ¿Tlen uelis techpanos tla san titekipanouaj?

• ¿Tleka Timoteo omonekiaya okachi kitekichiuilis Jehová maski yokipiaya chikauak itlaneltokilis? (1 Tim. 4:16).

• ¿Ken tikteititiaj tlen tekitl okachi tikpatioitaj?