Ayakmo miak poliui uan tlamis nochi tlen amo kuali, ik non, axkan miakej mokualaniaj, onka miak tlamantli tlen temomojti uan onka guerras (Apoc. 6:4). ¿Tlen moneki tikchiuaskej para timopaleuiskej ijkuak non panos ik kanin tichantij?

• Okachi ximouika iuan Jehová: Ximokuayejyeko tlen kijtouaj principios bíblicos uan tlen okinpanok sekimej, non mitspaleuis xikneltokili Jehová, ialtepe uan noijki mitspaleuis para amo timokajkalakis itech política (Prov. 12:5; jr-S págs. 125, 126 párrs. 23, 24). Axkan okachi ximouika iuan tokniuan (1 Ped. 4:7, 8).

• Xikyektlali nochi tlen tiktekitiltis: Xikololo tlakuali uan ximokuayejyeko tlen moneki tikchiuas tla moneki timokauas mokalijtik uan xikita ik kanin monekis ticholos. Xikita tlen tikpia itech momochila, ompa xiktlali seki tomin uan tlen tiktekitiltis (cubrebocas, guantes uan okseki tlamantli). Xikpia innúmero tlayekankej uan noijki xikinmaka monúmero (Is. 32:2; g17.5-S págs. 3-7).

Ijkuak itlaj panoua nochipa ximouika iuan Jehová (Filip. 1:10). Xiyeto mokalijtik uan xikisa san ijkuak moneki (Mat. 10:16). Xiktemaka tlen tikpia (Rom. 12:13).

IJKUAK YOTIKITAK VIDEO ¿TIKMATI TLEN TIKCHIUAS IJKUAK PANOS ITLAJ AMO KUALI? XIKINNANKILI NINMEJ TLAJTLANILMEJ:

• ¿Ken uelis techpaleuis Jehová ijkuak itlaj panoua?

• ¿Tlen uelis tikchiuaskej ijkuak itlaj panos?

• ¿Ken uelis tikinpaleuiskej oksekimej?