Miakej kijtouaj xiuitl 2024 panos miak tlamantli amo kuali ikinon kijtoua amo kuali tiyetoskej. Pero uelis kuali tiyetoskej. ¿Ken uelis tikmatiskej?

 Biblia kijtoua toTajtsin Dios kipojpolos nochi tlen axkan techtlajyouiltia uan tlen kichiuas satepan para nochtin techpaleuis: “Ye kinmixayouajuatsas, ayakmo yetos mikilistli, ayakmo ikaj moyolkokos, ayakmo ikaj chokas nion ayakmo ikaj tlajyouis” (Apocalipsis 21:4).

•   Tla tikneki tikmatis tlen kijtoua Biblia panos satepan, xiktlajtolti tlamachtil tlen itoka “La esperanza real de un mañana mejor”.

 Tlen kijtoua Biblia uelis mitspaleuis xiyolpaki uan amo san ximotekipachojto (Romanos 15:13). Noijki uelis mitspaleuis xikmati tlen tikchiuas ijkuak amo tikpias tomin, tla mistchiuiliskej tlen amo kuali noso tla timokokos.

•   Tlen kijtoua Bibia panos satepan okipaleui se tlakatl tlen amo okipiaya tomin. Xikita video Juan Pablo Zermeño: Jehová okichi ma niyolpaki.

•   Xikita ken uelis mitspaleuis tlen kijtoua Biblia tla oixpoliui akin tiktlasojtla, tla timotlajtlakoltia, tla timoyolkokoua uan timotekipachoua. Xiktlajtolti tlamachtil “¿Puedo encontrar consuelo en la Biblia?”.

•   Se siuatl tlen okatka soldado okijto san omoyolkokouaya uan amo otetlasojtlaya pero okipaleui tlen kijtoua Biblia. Xikita video Cambié las armas por la Biblia.

 ¿Mitspaktiskia itech xiuitl 2024 tiyolpakis iuan mofamilia? Biblia uelis mitspaleuis. Xikita ken titlamachtiaj ika Biblia uan tikajsikamatis toTajtsin Dios kineki xikpia ‘yolseuilistli uan satepan mitsmakas tlen kuali’ (Jeremías 29:11).