Axkan miakej amo tetlakaitaj. Miakej kintsatsajtsiliaj tepajtijkej, kinmajuaj akinmej tlapaleuiaj kanin tlakualnemakaj, kinmajuaj akinmej tekipanouaj itech aviones. Konemej kinpinauiaj akinmej tlamachtiaj uan itlaj kintoktiaj. Sekimej tekiuajkej kichijtinemij tlen amo kuali uan oksekimej kijtouaj sapanoua tetlakaitaj.

 Biblia kijtoua ken uelis titetlakaitaskej uan kijtoua tleka axkan miakej ayakmo tetlakaitaj.

 Axkan okachi miakej kichiuaj tlen amo kuali ikinon ayakmo kichiuaj tlen kuali, ayakmo tetlakaitaj uan ayakmo kichiuaj tlen okinmachtijkej intatajuan.

•   Ompa Estados Unidos okichijkej se encuesta itoka Gallup uan miakej okijtojkej yikipia kanaj 22 xiuitl okachi otetlakaitayaj uan axkan ayakmo ijkon kichiuaj.

•   Noijki okichijkej okse encuesta uan omotlapouijkej inuan 32,000 personas tlen pouij itech 28 altepemej uan kanaj 65% okijtojkej axkan ayakmo miakej tetlakaitaj.

 Biblia yokijtojka axkan miakej ijkon kichiuaskiaj.

•   “Itlamian tonalmej yetos oui uan oui kixikoskej. Porque miakej san yejuan motlasojtlaskej, kixnekiskej tomin, moueyinekiskej, [...] amo kintlakamatiskej inpapanuan, amo motlasojkamatiskej uan ayakmo mouikaskej inuan oksekimej, amo tetlasojtlaskej, amo teajsikamatiskej” (2 Timoteo 3:1-3).

 Tla tikneki tikmatis ken mochijtok nin profecía, xiktlajtolti tlamachtil “¿Predijo la Biblia cómo sería la gente en nuestros días?”.

 Miakej kichiuaj tlen amo kuali pero miakej yokinpaleui tlen kijtoua Biblia porque ika moyekanaj. Tlen kijtoua Biblia uelis tikneltokaskej uan nochipa techpaleuis (Salmo 111:8). Matikitakan ome tlamantli:

•   Biblia kijtoua: “Xikchiuakan nochi tlen namechpaktiskia manamechchiuilikan oksekimej” (Mateo 7:12).

   Kijtosneki: Matikintlakaitakan oksekimej uan matikintlasojtlakan ijkon ken techpaktiskia matechchiuilikan.

•   Biblia kijtoua: “Axkan namejuan ayakmo nantlakajkayauaj ikinon nannochtin xikinmiluikan tlen melauak oksekimej” (Efesios 4:25).

   Kijtosneki: Matikchiuakan tlen kuali uan nochipa matikijtokan tlen melauak.

 Xiktlajtolti revista Akin Tetlapouijtok tlen itoka:

•   “¿Tlen techpaleuis matikchiuakan tlen kuali?”.

•   Tlamachtil “¿Techpaleuia Biblia matiteajsikamatikan?”.