Xikinpaleui oksekimej uan ijkon amo moselti timomachilis | ¿Tlen kijtoua Biblia?
Sapanoua miakej ayakmo ikaj iuan mouikaj ikinon momachiliaj inselti. Ixtlamatkej kijtouaj matikinpaleuikan oksekimej uan ijkon ayakmo toselti timomachiliskej.
Akinmej pouij itech Institutos Nacionales de la Salud tlen katej Estados Unidos, okijtojkej: “Timoyolchikauaskej tla tikinpaleuiskej oksekimej uan ayakmo toselti timomachiliskej”.
ITlajtol toTajtsin Dios techiluia tlen uelis tikchiuaskej para tikinpaleuiskej oksekimej. Tla ijkon tikchiuaskej techpaleuis kuali matimomachilikan.
¿Tlen uelis tikchiuas?
Xikinmaka oksekimej tlen tikpia. Ximajxili tiyetos inuan oksekimej uan xikinmaka tlen tikpia. Yejuan motlasojkamatiskej uan mouan mouikaskej.
Biblia kijtoua: “Xikinmakakan oksekimej tlen nankipiaj uan yejuan noijki namechmakaskej tlen kipiaj” (Lucas 6:38).
Xikinpaleui oksekimej. Xikita ken uelis tikinpaleuis akinmej tlajyouiaj noso itlaj kixnamikij. Xikinmiknomati ijkuak tikinkakis uan xikintlajtlani ken uelis tikinpaleuis.
Biblia kijtoua: “Se melauak toyolikni nochipa kiteititia techtlasojtla uan ye se tokni tlen kajki ijkuak timoyolkokouaj” (Proverbios 17:17).
Tla tikneki tikmatis okachi ken timouikas inuan oksekimej, xikita tlamachtil “Ma timouikakan iuan oksekimej”.
