¿Uelis tikinnankilis ninmej tlajtlanilmej tlen okiskej itech revistas Akin Tetlapouijtok? Xikita kox uelis tikinnankilis ninmej tlajtlanilmej:

¿Ken techititia Santiago 5:11 Jehová sapanoua “tetlasojtlak iwa teiknoma”?

Jehová techititia techiknomati ijkuak techtlapojpoluia. Santiago 5:11 techititia Jehová kineki techpaleuis. Ma tikchiuakan ken ye kichiua (w21.01, página 21).

¿Tleka okintlali Jehová sekimej ma tlayekanakan?

Ijkon okichi porque techtlasojtla. Non kipaleuia nochtin familias, ijkon kitekichiuiliaj ken moneki uan kuali mouikaj. Sejse akinmej pouij itech infamilia uan kitlakamatij non principio kimatij akin moneki kijtos tlen moneki kipejpenaskej kichiuaskej uan akin peua achto ijkon kichiua (w21.02, página 3).

¿Tleka moneki kuali tikitaskej ijkuak tikintekitiltiaj aplicaciones para mensajes?

Tla ikaj mokuayejyekokoua kalakis itech se ueyi grupo, ma motlajtlani akinmej ompa yetoskej pero oui porque sapanoua miakej (1 Tim. 5:13). Noijki uelis kijtojtinemiskej tlen amo melauak opanok uan san kintemouaj tokniuan para kintlanemakiltiskej (w21.03, página 31).

¿Tleka toTajtsin Dios okitekauili ma kitlajyouiltikan Jesús uan ma kimiktikan?

Achto omonekiaya kimiktiskej Jesús para ijkon kinmakixtiskia judíos (Gál. 3:10, 13). Noijki ToTajtsin Dios okitekauili ma kitlajyouiltikan iKone para ijkon uelis yetos se kuali teopixki. Noijki Jehová okitekauili sapanoua ma tlajyoui Jesús para ijkon kiteititiskia nochtin uelis tiktlakamatiskej Jehová maski sapanoua titlajyouiskej (Job 1:9-11) (w21.04, páginas 16 uan 17).

¿Tlen tikchiuaskej para tikintlapouiskej akinmej amo tikinmajsij inkalijtik?

Okachi miakej tikintlapouiskej tla tikintemotiuij ijkuak katej inkalijtik. Noijki oksekan uelis tetlapouitiuij. Okse tlamantli ma titetlapouikan, uelis tikinmijkuiloskej cartas (w21.05, páginas 15 uan 16).

¿Tlen kijtosneki ijkuak Pablo okijto: “Inawak n tlanawátili ne yonimik”? (Gál. 2:19).

Tlanauatil tlen okijkuilo Moisés okiteititi titlajtlakolejkej uan okinpaleui hasta ijkuak ouala Cristo (Gál. 3:19, 24). Non okipaleui apóstol Pablo ma tlaneltoka itech Jesús. Ijkuakon yetoskia ken ‘inawak n tlanawátili omikik’; tlen okijtouaya Tlanauatil ayakmo omonekiaya kichiuaskia (w21.06, página 31).

¿Ken techmachtia Jehová ma titlaxikokan?

Jehová amo okitlakaitakej itoka, okixnamikej iTekiuajkayo, sekimej ikoneuan amo okitlakamatkej, Diablo nochipa kijtoua tlen amo melauak, Jehová noijki kixikoua ijkuak tlajyouiaj itekipanojkauan, ijkuak ixpoliuij iyolikniuan, akinmej amo yolkualmej kintlajyouiltiaj oksekimej uan kijtlakojtokej tlaltikpak (w21.07, páginas 9 hasta 12).

¿Tlen techmachtia tlen okichi José?

José okixiko ijkuak ikniuan okichiuilijkej tlen amo kuali. Noijki ikaj okijto okichi tlen amo kuali uan miak xiuitl okitsakej ompa Egipto (w21.08, página 12).

¿Tlen kijtoua Biblia panoskia itech Ageo 2:6-9, 20-22?

Miakej amo kinekij kikakiskej ijkuak tikintlapouiaj tlen kichiuas iTekiuajkayo toTajtsin Dios. Pero miakej kinpaktia tlen tikintlapouiaj uan kinekij okachi kimatiskej. Saiktlami Jehová tlatsetselos, kijtosneki kinmixpolos akinmej amo kinekij ma tlanauati (w21.09, páginas 15 hasta 19).

¿Tleka moneki nochipa titetlapouiskej?

Jehová kita ijkuak timochijchikauaj uan yolpaki tiktekichiuiliaj. Tla nochipa titetlapouiaj, Jehová kichiuas nochipa ma tiyoltokan (w21.10, páginas 25 uan 26).

¿Ken techpaleuia Levítico capítulo 19 ma tikchiuakan nin: “Xinemikah non yolchipawakeh”? (1 Ped. 1:15).

Xamo tlen kijtoua non versículo noijki ijkuilitok itech Levítico 19:2. Itech capítulo 19 techmachtia miak tlamantli ken uelis tikchiuaskej tlen kijtoua 1 Pedro 1:15 (w21.12, páginas 3 uan 4).