¿Yotikintlajtolti saiktlami revistas Akin Tetlapouijtok? Xikita kox uelis tikinnankilis ninmej tlajtlanilmej:

¿Tlen naui tlamantli uelis tikchiuaskej para kuali titlakuikaskej?

Ma timoyekketsakan, kuali ma timijyotikan, ma tiktlapokan kuali tokamak uan chikauak ma titlakuikakan. Ijkon kuali titlakuikaskej (w17.11, página 5).

¿Tlen techmachtiaj altepemej kanin omopaleuiayaj israelitas uan noijki kuali okiyektlaliayaj ojtli?

Okatkaj chikuase altepemej kanin omopaleuiayaj akinmej amo okinekiayaj temiktiskej uan noijki ojtli okiyektlaliayaj. Uan ijkon totoka oajsiaya akin omonekiaya mopaleuis itech non altepetl (w17.11, página 14).

¿Tleka tikijtoaj itech Salmo 118:22 tlajtoa itech Jesús ijkuak okiyolitijkej?

Amo Okiselijkej Jesús ken Mesías uan okimiktijkej. Omonekiaya kiyolitiskej para yetoskia ken “tetl tlen tlakitskijtok” (w17.12, página 9 uan 10).

Ijkuak okatkaj israelitas, ¿omonekiaya ikaj yetos tlayekankonetl uan ijkon pouiskia itech ikalchanejkauan Mesías?

Ualeua ikalchanejkauan Mesías opouiayaj itech tlayekankonemej pero amo nochipa ijkon opanoaya. Judíos okimatiayaj non uan okajsikamatiayaj Mesías ualaskia itech ikalchanejkauan David, ikone Jesé akin okatka xokoyotl (w17.12, página 14 uan 15).

¿Ken techpaleuia Biblia para ma tikmatikan ken timopajtiskej?

Akin omokokoaya omonekiaya kisekantiskej, tla ikaj okikitskiaya se mikatl, omonekiaya momajtekis uan omonekiaya kitlalpachoskej kuitlatl. ITlanauatil toTajtsin Dios yokijtoaya omonekiaya kinchiuiliskej circuncisión chokotsitsintin ijkuak okipiayaj chikueyi tonal. Porque inmieso konemej kuali moyektlalia ijkuak kipiaj chikome tonal (wp18.1, página 7).

¿Tlajtlakoli tla se tokni motlasojtla?

Moneki titetlasojtlaskej ken tejuan timotlasojtlaj (Mar. 12:31). Uan noijki “tlakatl makitlasojtla isiwa, kemi ye inewia kitlasojtla ikuerpo” (Efes. 5:28). Pero amo kuali sapanoa ma timotlasojtlakan (w18.01, página 23).

¿Tlen tikchiuaskej tla tikpiaj chikauak totlaneltokilis?

Kuali ma timomachtikan iTlajtol toTajtsin Dios, itech ma timokuayejyekokan uan san niman ma tikchiuakan tlen timomachtiaj. Ma timoyekanakan ika iespíritu santo Jehová uan ma timotlasojkamatikan ijkuak oksekimej techpaleuiaj (w18.02, página 26).

¿Tleka amo kuali ma tikintlajtlanikan tlachixkej uan naualtin para tikmatiskej tlen techpanos?

Onka miak tlamantli tleka amo ijkon ma tikchiuakan. Uan Biblia kijtoa ma tikixtopeuakan nochi tlen poui itech naualotl (wp18.2, página 4 uan 5).

¿Tla ikaj techiluis ma tiakan ikalijtik, ¿tlen moneki tikchiuaskej?

Tla yotikiluijkej se tokni tiaskej ikalijtik, amo ma tikyolopachokan ayakmo tiaskej (Sal. 15:4). tla ikaj techiluia ma tiakan ikalijtik uan tikiluiaj tiaskej, satepan amo ma tikyolopachokan ika seki tlamantli tlen amo ipati. Tlamo tokni san nenka omochijchika kuali techselis ikalijtik (w18.03, página 18).

¿Ken uelis kichiuaskej ken Timoteo tokniuan tlayekankej?

Omotekipachoaya itech oksekimej, ye okachi okipatioitaya achto tetlapouis, omochijchikauaya kitekichiuilis Jehová uan okichi tlen omomachti. Nochipa omomachti para kipias chikauak itlaneltokilis uan omoyekanki ika iespíritu Jehová. Tinochtin uelis tikchiuaskej ken Timoteo (w18.04, página 13 uan 14).