¿Kox uelis tikixmatiskej toTajtsin Dios?
Miakej kijtoaj tlaneltokaj itech toTajtsin Dios. Pero tlatlamantli mokuayejyekoaj ijkuak tikintlajtlaniaj kox uelis tikixmatiskej toTajtsin Dios. Sekimej kijtoaj toTajtsin Dios okichijchi tlaltikpak uan nochi tlen onka. Oksekimej kijtoaj san ye toTajtsin Dios moneki tikueyichiuaskej. Nochtin tlatlamantli mokuayejyekoaj, ik non, xamo kijtoaj amo uelis tikixmatiskej toTajtsin Dios.
¿Kox techpaleuis tikixmatiskej toTajtsin Dios? Kema. Mitspaleuis okachi xiyolpaki (Hechos 17:26-28). Tla timouikas iuan toTajtsin Dios, ye okachi mitstlasojtlas uan okachi mitspaleuis (Santiago 4:8). Tla tikixmatis toTajtsin Dios tikpias yolilistli tlen amo keman tlamis (Juan 17:3).
¿Ken uelis tikixmatiskej toTajtsin Dios? Xikilnamiki ken opejki timouika iuan se moyolikni. Xamo achto otiktlajtlani tlen itoka, opejki tikita ken iyelis, tlen kipaktia uan tlen amo, tlen yokichi, tlen kichiuas noso okseki tlamantli. Nochi nin tlamantli omitspaleui kuali iuan ximouika.
Moneki tikinnankilis ninmej tlajtlanilmej tla tikneki tikixmatis toTajtsin Dios:
Nin revista mitspaleuis xikmati tlen kijtoa Biblia. Okseki tlamachtilmej mitspaleuiskej xikixmati toTajtsin Dios uan iuan ximouika.
Xamo noijki mitspaktis
AKIN TETLAPOUIJTOK
¿Tlen itoka toTajtsin Dios?
¿Otikmatiaya itoka toTajtsin Dios san ye ijkon itoka?
