Miakej kiluiaj toTajtsin Dios ‘ma uiki iTekiuajkayo’
¿Tejuatsin noijki tikiluia toTajtsin Dios ma uiki iTekiuajkayo? Yikipia miak xiuitl miakej ijkon kiluiaj. ¿Tleka? Porque Jesús okinmilui imachtijkauan ma kitlajtlanilikan toTajtsin Dios ‘ma uiki iTekiuajkayo’.
Imachtijkauan Jesús amo kuali okajsikamatiayaj tlen kijtosneki nin Tekiuajkayotl. Se tonal okitlajtlanijkej: “Tejwatsi, ¿axa tikinmakixtis n tlaltikpaktlakah de Israel?”. Xamo omotlajtlachialtijkej porque amo okinnankili ken yejuan okichiayaj (Hechos 1:6, 7). ¿Kijtosneki amo keman tikmatiskej tlen kijtosneki iTekiuajkayo toTajtsin Dios uan keman tlanauatis? Uelis tikmatiskej.
Nin revista kinnankilis ninmej tlajtlanilmej:
¿Tleka moneki ma technauati iTekiuajkayo toTajtsin Dios?
¿Akin kiyekana nin Tekiuajkayotl?
¿Keman ualtlanauatis iTekiuajkayo toTajtsin Dios?
¿Tlen kichiuas iTekiuajkayo toTajtsin Dios?
¿Tleka moneki ma tikpaleuikan nin Tekiuajkayotl?
¿Tlen kijtosneki iTekiuajkayo toTajtsin Dios?
Xamo noijki mitspaktis
AKIN TETLAPOUIJTOK
Akinmej kintlajtoltiaj revistas techtlajtlaniaj, octubre 2014
Tlen okijkuilo David itech Salmo 37:25 uan tlen okijto Jesús itech Mateo 6:33, ¿kijtosneki itekipanojkauan Jehová amo keman kinpolos tlen ika mopanoltiskej?
TLEN OKACHI IPATI TLAMACHTIA BIBLIA
¿Tlen iTekiuajkayo toTajtsin Dios?
Jesús otetlapoui itech miak tlamantli, pero okachi otetlapoui itech iTekiuajkayo toTajtsin Dios. Yikipia miak xiuitl tlaltikpaktlakamej kitlajtlantokej ma uiki non Tekiuajkayotl.
