¿Pojpoliuis nin tlaltikpak?
Xamo tejuatsin tikmati Biblia kijtoua pojpoliuis “yin tlaltikpak” (1 Juan 2:17, Itlajtol totajtzin Dios, [NHY]). ¿Kijtosneki amikaj yoltos nikan tlaltikpak? ¿Pojpoliuis tlen onka itech tlaltikpak noso pojpoliuis nochi tlaltikpak?
BlBLIA KIJTOUA AMO
¿Tlen amo pojpoliuis?
AKINMEJ TICHANTIJ NIKAN TLALTIKPAK
¿Tlen techmachtia Biblia? ToTajtsin Dios ‘amo san okichijchi [tlaltikpak], okichijchi para itech tichantiskej’ (ISAÍAS 45:18).
TLALTIKPAK
¿Tlen techmachtia Biblia? Ompa kijtoua: “Sekimej yauij uan sekimej uitsej pero tlaltikpak nochipa yetos” (ECLESIASTÉS 1:4).
¿TLEN KIJTOSNEKI? Biblia kijtoua tlaltikpak amo keman pojpoliuis uan nochipa itech chantiskej. Ik non, ¿tlen kijtosneki ijkuak Biblia kijtoua tlaltikpak pojpoliuis?
XIMOKUAYEJYEKO: Biblia kijtoua tlaltikpak pojpoliuis ijkon ken ijkuak okatka Noé. Ijkuakon itech nochi tlaltikpak ‘sapanoua omoteuiayaj’ (Génesis 6:13). Pero Noé nochipa okitlakamatiaya toTajtsin Dios okatka yolkuali, ik non, okimakixti ye uan ifamilia pero okinpojpolo nochtin akinmej amo yolkualmej. Biblia kijtoua: “Ika atl [...] tlaltíkpaktli opojpoliwik itech tonatijmeh de Noé” (2 Pedro 3:6). Ijkuakon amo opoliuik tlaltikpak, oixpolikej akinmej amo yolkualmej. Ik non, ijkuak Biblia kijtoua pojpoliuis tlaltikpak kijtosneki ixpoliuiskej akinmej amo yolkualmej uan nochi tlen kichiuaj.
Seki tlamantli kema pojpoliuis
NOCHI TLEN TECHTLAJYOUILTIA
¿Tlen techmachtia Biblia? Ompa kijtoua: “San tepitsin poliui uan akinmej amo yolkualmej ayakmo yetoskej, maski kintemoskej ayakmo ompa yetoskej. Pero akinmej yolkualmej kinmakaskej tlaltikpak uan melauak yolpakiskej porque yetos miak yolseuilistli” (SALMO 37:10, 11).
¿TLEN KIJTOSNEKI? Ijkuak okatka Noé uan otlaatemik, satepan oksekimej oksepa opejkej kinchiuiliaj tlen amo kuali oksekimej. Pero ayakmo miak poliui toTajtsin Dios kitlajtlamis nochi tlen amo kuali. Ijkon okijto salmista: “Akinmej amo yolkualmej ayakmo yetoskej”. Ika iTekiuajkayo kitlajtlamis nochi tlen amo kuali, non Tekiuajkayotl kajki iluikak uan kinnauatis nochtin akinmej kitlakamatij toTajtsin Dios.
XIMOKUAYEJYEKO: ¿Tlen kinpanos tekiuajkej? ¿Kipaleuiskej iTekiuajkayo toTajtsin Dios? Biblia kijtoua amo. Yejuan kixnamikiskej (Salmo 2:2). Uan ¿tlen panos? ITekiuajkayo toTajtsin Dios kinpojpolos nochtin tekiuajkej uan ye tlanauatis (Daniel 2:44). Pero ¿tleka ayakmo tlanauatiskej tekiuajkej?
MONEKI ayakmo ma tlanauati nion se tlakatl
¿Tlen techmachtia Biblia? Ompa kijtoua: “Tlakatl amo kinamiki monauatis nion kinamiki kiyekanas kanin tlaksas” (JEREMÍAS 10:23).
¿TLEN KIJTOSNEKI? Amo otechchijchijkej para toselti ma timoyekanakan. Ik non, tekiuajkej amo uelij kinpaleuiaj akinmej tlajyouiaj.
XIMOKUAYEJYEKO: Enciclopedia Britannica Academic kijtoua tekiuajkej tlen katej tlatlamantli altepemej “amo ueli kichiuaj nochtin ma kipiakan tlen moneki, ma kipiakan tlen kikuaskej, amikaj ma mokoko, amo kanaj ma tlaxixini, ayakmo ma yeto guerra uan amikaj ma kinteui”. Amochtli noijki kijtoua: “Sekimej [...] kineltokaj san se tekiuajkayotl uelis kitlajtlamis tlen amo kuali. Maski nochtin tekiuajkej kinekiskej kitlajtlamiskej tlen amo kuali amo uelis ijkon kichiuaskej porque tlajtlakolejkej. San iTekiuajkayo toTajtsin Dios kitlajtlamis nochi tlen techtlajyouiltiaj.
Tlen kijtoua Biblia kinpaleuia akinmej yolkualmej amo ma momojtikan porque pojpoliuis tlaltikpak, kijtosneki pojpoliuis tlen amo kuali. Yolpakij ijkuak kimatij toTajtsin Dios kitlajtlamis nochi tlen amo kuali uan kichiuas kuali ma tlayeto itech nin tlaltikpak.
¿Keman ijkon kichiuas? Itech okse tlamachtil tikitaskej tlen kijtoua Biblia.
Xamo noijki mitspaktis
AKIN TETLAPOUIJTOK
¿Tlamis nochi?
¿Tikmati ijkuak Biblia kijtoa tlamis nochi, tejuan uelis tikseliskej tlen kuali?
¿TLEN KIJTOUA BIBLIA?
¿Tlen kijtosneki Armagedón?
Tlajtoli Armagedón san se uelta kajki itech Biblia, pero nin guerra tlen mochiuas techtlapouia itech nochi Biblia.
