Tlakuikali 23
Jehová techmaka tochikaualis
(Isaías 12:2)
1. Tochikaualis techmaka Jehová,
noijki nochipa techmaluia.
Niktematiltis kuali tlajtolmej,
nikintlapouis nochtin tlakamej.
(ESTRIBILLO)
¡Techpaleuia toTajtsin Jehová!
Nikueyichiuas ye itoka.
Kipia miak chikaualistli,
san ye Jehová uelis techmakixtis.
2. Techyolpaktia itlauil Jehová,
uan ijkon tlen melauak tikitaj.
Ika iTlajtol timoyekanaj,
uan iTekiuajkayo tiktokaj.
(ESTRIBILLO)
¡Techpaleuia toTajtsin Jehová!
Nikueyichiuas ye itoka.
Kipia miak chikaualistli,
san ye Jehová uelis techmakixtis.
3. Motlanekilis kema nikchiuas.
Maski ye Diablo amo kinekis.
Uan maski nikpolos nonemilis
nochipa nimitstekichiuilis.
(ESTRIBILLO)
¡Techpaleuia toTajtsin Jehová!
Nikueyichiuas ye itoka.
Kipia miak chikaualistli,
san ye Jehová uelis techmakixtis.
(Noijki xikita 2 Sam. 22:3; Sal. 18:2; Is. 43:12.)
