Amo, tlen ijkuilitok itech rollos noijki ijkon axkan ijkuilitok itech Biblia maski okikixtijkej itech miak copias.

 Yokinmajsikej miakej rollos kanin okijkuilojkej Biblia. Itech seki rollos amo nochi kuali okijkuilojkej, porque tlatlamantli kajki. Pero seki tlamantli amo okachi ipati porque moajsikamati ijkon ken itech rollos. San seki tlamantli tlen amo okatka itech copias kema ipati. Yiuejkika ijkuak okinmijkuilojkej copias amo okitlalilijkej seki tlamantli porque okinekiayaj kipatlaskej tlen kijtoua Biblia. Ma tikitakan ome tlamantli.

1.   Itech seki traducciones tlen yiuejkika okitlajtolkopkej ijkin okijkuilojkej 1 Juan 5:7: “Itech iluikak: ToTajtsin, iKone uan Espíritu Santo, yejuan eyi san se”. Pero nin tlamantli amo kajki itech rollos tlen achto omoijkuilo. a Ik non, ijkuak axkan kitlajtolkopaj ayakmo ijkon kijkuilouaj.

2.   Itoka toTajtsin Dios ijkuilitok miak uelta itech rollos tlen achto omoijkuilojkej, pero itech miak Biblias ayakmo kitlaliaj itoka toTajtsin Dios uan san kitlaliaj “Toteko” noso “Dios”.

 Axkan kajki miak tlamantli tlen techpaleuia ma tikmatikan kox Biblia okitlajtolkopkej ken moneki. b Ijkuak tikinmitaj ninmej copias, ¿tlen technextiliaj? ¿Uelis tikneltokaskej Biblia tlen tikpiaj okitlajtolkopkej ken moneki?

•   Escrituras Hebreas (noijki motokayotia Antiguo Testamento), ixtlamatki William Henry Green okijto: “Maski yopanok miak xiuitl okijkuilojkej Biblia, kuali okitlajtolkopkej amo ken okseki amochmej”.

•   Frederick Bruce akin okinmijkuilo Biblias okijto seki tlamantli itech Escrituras Griegas Cristianas noso nuevo Testamento: “Nuevo Testamento […] melauak kuali okitlajtolkopkej. Maski katej oksekimej tlen kuali tlajtolkopaj uan miakej kinmixmatij, tlen kajki itech Nuevo Testamento okachi kuali okitlajtolkopkej”.

•   Sir Frederic Kenyon okijto se tlakatl “uelis kipias imak Biblia uan kijtos nin melauak itlajtol toTajtsin Dios, porque nochi kuali okijkuilojkej maski yopanok miak xiuitl”.

•   Judíos uan akinmej okichiuayaj ken Cristo yejuan okinchijkej copias kan okijkuilojkej ijkuak otlajtlakolchiuaya ialtepe toTajtsin Dios (Números 20:12; 2 Samuel 11:2-4; Gálatas 2:11-14). c Noijki okijkuilojkej tlen amo kipaktia toTajtsin Dios uan ken judíos okichiuayaj tlen amo kuali uan okinueyichiuayaj teotsitsintin (Oseas 4:2; Malaquías 2:8, 9; Mateo 23:8, 9; 1 Juan 5:21). Akinmej okijkuilojkej nin tlamantli okiteititijkej amo tlakajkayauaj uan okitlakaitayaj itlajtol toTajtsin Dios.

•   ToTajtsin Dios ye akin otlanauati ma kijkuilokan itlajtol, ik non, kimaluia para amo ma kipatilikan tlen ompa kijtoua (Isaías 40:8; 1 Pedro 1: 24, 25). d Totajtsin Dios noijki okinekiaya ma techpaleui itlajtol uan amo san akinmej yiuejkika ochantiayaj (1 Corintios 10:11). Biblia kijtoua: “Nochi tlan yowejka omoijkuilo itech tiotlajkuíloli, omoijkuilo para matimoixtlamachtikah, para matikchiakah ika yolsewílistli tlan Ye yokijto techmakas” (Romanos 15:4).

•   Jesús uan imachtijkauan nochipa okitlajtoltijkej Escrituras Hebreas uan amo okijtojkej amo kuali ijkuilitok (Lucas 4:16-21; Hechos 17:1-3).