Ijkuak se inspector de seguridad okitato ken kichijchijtokej Kali kanin monechikoaj iTlaixpantijkauan Jehová itech altepetl Sydney (Australia), okijto: “Itech nin kali tlen kichijchijtokej okachi momaluiaj, youejka amo ijkon onikitaya”.

Nin tlakatl okijkuilo: “Nochi kuali okatka [...], okatka tlachipauak uan amo san otlaxixintoka pampa uelis kisaskej uan kalakiskej, cables okatkaj ipan tlali uan okitsikojkej ika ganchos de plastico uan extintores kuali okatkaj pampa kintekitiltiskej [...]. Nochtin tlaltikpaktlakamej okipiayaj camisas maueueyak, pantalón, cascos uan lentes pampa momaluiskej. Nochtin kuali otlapaleuiayaj”.

Victor Otter, akin kiyekana nin tekitl okijto: “Akinmej tiiTlaixpantijkauan Jehová tikpatioitaj miak timomaluiskej, ijkuak timomaluiaj ken titekitij tikteititiaj tikitaj yolilistli ken toTajtsin Dios kita uan san sekan titekitij ika pakilistli. Ijkuak tlami tonal, nochtin tiyolpakij ijkuak timokuepaj tokalijtik pampa kuali otitekitikej”.

Nin kali, tlen kipia 127 asientos, otlanki okichijchijkej itech metstli abril, xiuitl 2012.