Tonal 12 de enero 2019, miakej tokniuan omonechikojkej kanin kinchiuaj uejueyij nechikolmej ompa Benín. Tokni Geoffrey Jackson tlen poui itech Cuerpo Gobernante, okijto okiski Biblia La Traducción del Nuevo Mundo de las Santas Escrituras ika tlajtoli isoko uan yoruba. Ijkuakon omonechikojkej kanaj 60,672. Tlamachtilmej okinkakej itech 106 kalmej kanin nochipa monechikouaj. Sekimej omonechikojkej itech chiknaui kalmej kanin kinchiuaj uejueyij nechikolmej ompa Nigeria uan itech okseki altepetsitsintin ompa Benín.

Tokni Gad Edia tlen tlapaleuia Betel ompa Nigeria okijto: “Eyi xiuitl uan ome metstli ouejkajkej okitlajtolkopkej Biblia ika tlajtoli isoko uan ika tlajtoli yoruba okitlajtolkopkej eyi xiuitl uan eyi metstli”. Saiktlami okijto: “Itech Nigeria kanaj 5,000 iTlaixpantijkauan Jehová tlajtouaj isoko uan kanaj 50,000 tlajtouaj uan kimatij kitlajtoltiskej yoruba. Se tokni okijto ijkuak okiselijkej Biblia ika intlajtol sapanoua oyolpakej. Kuali tekitl okichijkej tokniuan”.

Hasta axkan iTlaixpantijkauan Jehová yokitlajtolkopkej Biblia La Traducción del Nuevo Mundo nochi noso san tlajko ika 179 tlatlamantli tlajtolmej.

Tiyolpakij porque tokniuan yikipiaj Biblia ika intlajtol uan ijkon okachi kajsikamatij ijkuak momachtiaj (2 Timoteo 3:17).