IHubo 102:1-28
Umthandazo womuntu ocindezelweyo, osephelelwe lithemba.* Utshela uJehova konke okumkhathazayo.+
102 Awu Jehova, zwana umthandazo wami,+Kwangathi ungakuzwa ukukhala kwami ngicela uncedo.+
2 Ungangifihleli ubuso bakho nxa ngisebunzimeni.+
Ngicela ungilalele,*Njalo ungiphendule masinyane nxa ngikubiza,+
3 Ngoba insuku zami ziyanyamalala njengentuthu,Amathambo ami ayatsha angathi ngiseziko.+
4 Inhliziyo yami isinjengotshani obubunileyo boma,+Ngoba ngiyakhohlwa ukudla.
5 Sengicake ngaba mathambothambo+Ngenxa yokuthi ngiyahlupheka* kakhulu.+
6 Sengifanana lephelikheni* esegangeni,Nginjengesikhova esincane esihlala emanxiweni.
7 Ngilala ngikhangele,Nginjengenyoni ehlala yodwa ephahleni.+
8 Izitha zami ziyangichothoza ilanga lonke.+
Labo abangihlekayo basebenzisa ibizo lami nxa bethuka.
9 Umlotha usuyikudla kwami,+Engikunathayo sekuhlangene lezinyembezi.+
10 Ngenxa yolaka lwakho lentukuthelo yakho,Ungiphakamisile wangilahlela eceleni.
11 Insuku zami sezinjengesithunzi esinyamalalayo nxa ilanga litshona,+Sengibunile njengotshani.+
12 Kodwa wena Jehova uhlala kuze kube nini lanini,+Lodumo lwakho luzahlala lukhona* kuzo zonke izizukulwane.+
13 Uzaphakama ube lesihawu kuyo iZiyoni+Ngoba sekuyisikhathi sokuthi ube lomusa kuyo,+Isikhathi esibekiweyo sesifikile.+
14 Izinceku zakho ziyathokoza ngamatshe ayo,+Ziyaluthanda uthuli lwayo.+
15 Izizwe zizakwesaba ibizo likaJehova,Wonke amakhosi omhlaba azakwesaba inkazimulo yakhe.+
16 UJehova uzayakha kutsha iZiyoni,+Uzabonakala elenkazimulo yakhe.+
17 Uzayilalela imithandazo yabantu abahluphekayo,+Kasoze eyise imithandazo yabo.+
18 Lokhu kubhalelwe isizukulwane esizayo+Ukuze abantu abazazalwa* badumise uJah.
19 UJehova uyawukhangela umhlaba esezulwini,+Ukhangela phansi esendaweni yakhe engcwele ephakemeyo,
20 Ukuze azwe ukukhala kwesibotshwa,+Akhulule labo abagwetshelwe ukufa.+
21 Ngakho ibizo likaJehova lizamenyezelwa eZiyoni,+Njalo uzadunyiswa eJerusalema,
22 Lapho abantu bezizwe lemibuso etshiyeneyoBebuthana ukuze bakhonze uJehova.+
23 Wangenza ngaphela amandla masinyane,Waquma insuku zami.
24 Ngathi: “Awu Nkulunkulu wami,Ungangibulali ngisesemutsha,Wena ophila izizukulwane ngezizukulwane.+
25 Izisekelo zomhlaba wazibeka kudala,Amazulu angumsebenzi wezandla zakho.+
26 Konke lokhu kuzatshabalala kodwa wena uzahlala ukhona.
Kuzaguga njengesigqoko,Ukulahle kutshabalale, ufake okunye esikhundleni sakho.
27 Kodwa wena awutshintshi, leminyaka yakho ayisoze iphele.+
28 Abantwana bezinceku zakho bazahlala bevikelekile,Lezizukulwane zazo zizaqhubeka ziphambi kwakho.”+
Amabala angaphansi
^ Kumbe, “ongaselamandla.”
^ Kumbe, “Khothama ungilalele.”
^ Kumbe, “ngiyabubula.”
^ Le yinyoni enkulu elomlomo omude.
^ Kumbe, “Lebizo lakho lizahlala likhona.”
^ NgesiHebheru, “abazadalwa.”
