IHubo 17:1-15
Umthandazo kaDavida.
17 Awu Jehova, ngicela ungilalele nxa ngicela ukwahlulelwa kuhle,Ngilalela nxa ngikhalela uncedo,Lalela umthandazo wami engiwutsho ngiqotho.+
2 Ngicela ungahlulele kuhle,+Kwangathi amehlo akho angabona okulungileyo.
3 Wena uhlole inhliziyo yami, wangihlolisisa ebusuku,+Wangihlambulula.+
Nxa ungangihlola uzathola ukuthi akulacebo elibi engilibumbileyo,Lokuthi angizange ngone ngomlomo wami.
4 Kungelani lokuthi abanye benzani,Mina ngilalela amazwi akho, angihambi ezindleleni zezigebenga.+
5 Ngivumela ngihambe ezindleleni zakho
Ukuze ngingakhubeki.+
6 Ngiyakubiza awu Nkulunkulu,+ ngoba uzangiphendula.
Lalelisisa engikutshoyo,* uzwe amazwi ami.+
7 Tshengisa ukuthi ulothando oluqotho ngemisebenzi yakho emangalisayo,+Wena osindisa abaphephela esandleni sakho sokudla,Ubakhulule kulabo abakuhlamukelayo.
8 Ngivikela njengenhlamvu yelihlo lakho,+Ngifihla ngaphansi kwamaphiko akho.+
9 Ngivikela kwababi abangihlaselayo,Ezitheni zami ezingihanqileyo.+
10 Izitha zami azilazwelo,Zikhuluma zizigqaja.
11 Zithutsha ngapha langapha,+Zilindele ithuba lokusihlasela.*
12 Isitha sinjengesilwane esicathemeyo,Esifuna ukudlithiza inyamazana.
13 Sukuma awu Jehova, ulwe laso+ usilahle phansi.
Ngikhulula komubi ngenkemba yakho.
14 Awu Jehova, ngikhulula ngesandla sakhoEbantwini bomhlaba lo abaphilela olwalamuhla,+Labo obanika izinto ezinengi ezinhle,+Abatshiyela amadodana abo amanengi ilifa.
15 Kodwa mina ngizabubona ubuso bakho ngoba ngilungile,Nxa ngivuka ngiyathokoza ngoba useduze kwami.*+
Amabala angaphansi
^ Kumbe, “Khothama ulalele.”
^ Kumbe, “lokusiwisela phansi.”
^ Kumbe, “ngiphambi kwakho.”
