IHubo 26:1-12
Ihubo likaDavida.
26 Ngahlulela Jehova, ngoba ngiphila impilo eqotho.+
Angizange ngiyekele ukuthembela kuJehova.+
2 Ngihlola awu Jehova, ubone lokho engiyikho.
Hlola inhliziyo yami lemicabango yami ejulileyo.+
3 Ngihlala ngicabanga ngothando lwakho oluqotho,Njalo ngihamba eqinisweni lakho.+
4 Angilabungane* lamaqili,+Ngiyabaxwaya labo abafihla lokho abayikho.*
5 Ngiyakuzonda ukuba phakathi kwabantu abenza okubi,+Angivumi ukuba ngumngane wabantu ababi.*+
6 Ngizageza izandla zami ukuze ngitshengise ukuthi angilacala,Ngizabhoda i-alithare lakho, awu Jehova,
7 Ukuze ngikubonge ngelizwi elizwakalayo,+Njalo ngimemezele yonke imisebenzi yakho emangalisayo.
8 Ngiyayithanda indlu ohlala kuyo Jehova,+Ngiyayithanda indawo ehlala inkazimulo yakho.+
9 Ungangitshabalalisi ndawonye labenza okubi.+
Ungangibulali labantu abalodlakela,*
10 Abaziphatha ngendlela elihlazo,Labathanda ukufunjathiswa.*
11 Kodwa mina ngizahlala ngiqotho.
Ngikhulula* ube lomusa kimi.
12 Ngime endaweni echayileyo.+
Ngizamdumisa uJehova ebandleni elikhulu.+
Amabala angaphansi
^ NgesiHebheru, “Kangihlali.”
^ Kumbe, “Angilabudlelwano labazenzisi.”
^ NgesiHebheru, “Kangihlali labantu ababi.”
^ Kumbe, “lababulali.”
^ Kumbe, “ukufumbathisa.”
^ NgesiHebheru, “Ngihlenga.”
