IHubo 79:1-13
Ihubo lika-Asafi.+
79 Awu Nkulunkulu, izizwe zihlasele ilifa lakho,+Zangcolisa ithempeli lakho elingcwele,+Zatshiya iJerusalema ingamanxiwa.+
2 Zibulele izinceku zakho, izidumbu zazo zaba yikudla kwenyoni.
Izidumbu zabaqotho bakho seziyikudla kwezinyamazana.+
3 Zichithe igazi labo kuyo yonke iJerusalema angathi ngamanzi.
Akulamuntu ongabangcwaba.+
4 Sesiyinhlekisa kubomakhelwane bethu,+Bayasihleka futhi bayasihoza.
5 Awu Jehova uzathukuthela kuze kube nini? Kuze kube phakade yini?+
Ulaka lwakho luzavutha njengomlilo kuze kube nini?+
6 Thululela ulaka lwakho ezizweni ezingakwaziyo,Lasemibusweni engalibiziyo ibizo lakho,+
7 Ngoba ihlasele uJakhobe yambhubhisa,Yatshabalalisa ilizwe lakhe.+
8 Ungasijeziseli izono zabokhokho bethu.+
Sicela uphangise ukuba lesihawu kithi+Ngoba sisebunzimeni obukhulu.
9 Sincede awu Nkulunkulu wethu osisindisayo,+Ngenxa yebizo lakho elikhazimulayo.
Sikhulule futhi usithethelele* izono zethu ngenxa yebizo lakho.+
10 Kungani kumele izizwe zithi: “Kanti ungaphi uNkulunkulu wabo?”+
Sifuna ukubona lapho ususenza kwaziwe phakathi kwezizweUkuthi igazi lezinceku zakho ezabulawayo seliphindiselwe.+
11 Kwangathi ungakuzwa ukukhala kwesibotshwa.+
Sebenzisa amandla akho amakhulu ukuze usindise* labo abagwetshelwe ukufa.+
12 Bajezise kasikhombisa omakhelwane bethu,+Ngenxa yokuthi bakuchothozile awu Jehova.+
13 Lapho-ke thina abantu bakho, umhlambi wakho osemadlelweni akho,+Sizakubonga kuze kube nini lanini,Sikudumise isizukulwane ngesizukulwane.+
