UJobe 16:1-22
16 UJobe waphendula wathi:
2 “Konke elikutshoyo sengake ngakuzwa.
Amazwi enu angizwisa ubuhlungu, kawangiduduzi ngitsho!+
3 Kuzaze kube nini likhuluma izinto ezingelangqondo?
Kuyini okwenza ukhulume kanje?
4 Ngabe yini elehlelwe yibunzima lobu engikubo,Kambe bengizakhuluma njengani,Ngilisole kakhulu
Ngize nginikine ikhanda?+
5 Hatshi, bengizakhuluma amazwi aliqinisayo,Amazwi ami abezaliduduza libe lethemba.+
6 Lanxa ngingakhuluma ngizaqhubeka ngisizwa ubuhlungu,+Loba ngingaze ngithule ubuhlungu bami abusoze buphele,
7 Ngoba uNkulunkulu ungithwalise nzima,+Usewutshabalalisile umuzi wami.
8 Uyangihlukuluza futhi bonke abantu bayakubona lokho,Sengicake okokuthi abantu sebeze becabanga ukuthi ngonile.
9 Uthukuthele wangidlithiza futhi ungibambele umoya.+
Nxa engibona ulaka lwakhe luyaqubuka.
Isitha sami singikhangela ngelihlo elibi.+
10 Abantu bafuna ukungiginya ngiphila,+Bayangibuthanela bangihlasele,+Bangiwakale ngamampama.
11 UNkulunkulu uyangiyekela ngihlaselwa ngabafana abancane,Ungiphosela ezandleni zabantu ababi.+
12 Ngangizihlalele ngichelesile kodwa yena wafika wavoxa impilo yami,+Wangibamba ngentamo wangitaklazela phansi;Wangitshoka ngemitshoko yakhe.
13 Amabutho akhe ahlome ngemitshoko angihanqile.+
Ugwaza izinso zami+ kungathi thiki kuye,Achithele inyongo yami phansi.
14 Senginjengomduli awubhidliza njalonje.
Uyangihahabela njengebutho elisempini.
15 Sengithunge isembatho sesaka ukuze ngizembathise,+Ngahlala phansi ethulini ngoba ngizizwa ngingasimuntu walutho.*+
16 Sengikhale amehlo aze ababomvu,+Lobuso bami sebuhlobile
17 Lanxa ngingazange ngibe lodlakela,Njalo ngithandaza ngenhliziyo yonke.
18 Mhlaba ngicela ungaligqibeli igazi lami,+Akungabi lomuntu ongithulisayo!
19 Ukhona osemazulwini ongangifakazela,Ongalumela udaba lwami uphezulu.
20 Abangane bami bayangichothoza+
Nxa ngikhala kuNkulunkulu.+
21 Sengathi kungaba lomuntu ongahlulela phakathi kwami loNkulunkulu,Ngendlela umahluleli ahlulela ngayo abantu emthethwandaba,+
22 Ngoba sekusele iminyaka emilutshwana
Ukuthi ngiye lapho okungabuywa khona.+
Amabala angaphansi
^ Kumbe, “ngingelamandla.”
