UJobe 37:1-24
37 “Lokhu kwenza inhliziyo yami itshaye ngamandla,Itshaye angathi izasuka endaweni yayo.
2 Lalelisisa ukukhwaza kwelizwi lakhe
Lomdumo omkhulu ophuma emlonyeni wakhe.
3 Ukhwaza ekhonale emazulwini,Athumele umbane wakhe+ emikhawulweni yomhlaba.
4 Ngemva kwalokho kuzwakala umdumo owethusayo.
Ukhwaza ngelizwi elikhulu,+Kuphazime imibane ngapha ekhuluma.
5 Ukhwaza ngelizwi+ elimangalisayo,Wenza izinto ezinkulu esingeke senelise ukuzizwisisa.+
6 Uthi kungqwaqwane, ‘Khithikela emhlabeni,’+
Atshele izulu athi, ‘Thululeka.’+
7 UNkulunkulu uyakumisa konke okwenziwa ngabantu
Ukuze bonke bawazi umsebenzi wakhe.
8 Inyamazana zeganga ziyacatsha ezimbalwini zazo,Zihlale emilindini yazo.
9 Umoya omkhulu uvunguza usuka endaweni yawo,+Umoya wenyakatho uletha umqando.+
10 Nxa uNkulunkulu angaphefumula kuba longqwaqwane,+Lamanzi amanengi ayawoma abe lilitshe.+
11 Wenza amayezi asindwe ngamanzi,Lemibane iphazime+ emayezini.
12 Amayezi aya loba ngaphi lapho awathuma khona,Konke awatshela khona ayakwenza+ emhlabeni.
13 Uyawasebenzisa ukuze ajezise abantu+ njalo athelele umhlaba,Kumbe atshengise ukuthi ulothando oluqotho.+
14 Jobe lalela.
Ngicela ume ucabangisise ngemisebenzi kaNkulunkulu emangalisayo.+
15 Uyakwazi yini ukuthi uNkulunkulu uwaqondisa njani amayezi,Lokuthi wenzani ukuze umbane uphazime emayezini?
16 Uyakwazi yini ukuthi amayezi ahlala njani emoyeni?+
Le yimisebenzi emangalisayo eyenziwa ngulowo okwazi konke.+
17 Kungani izigqoko zakho zitshisa
Nxa kungaphephetha umoya weningizimu+ owenza kuthule indawo yonke?
18 Ungamncedisa yini uNkulunkulu ukwendlala isibhakabhaka+
Esiqine njengesibuko sensimbi?
19 Sitshele ofuna sikutsho kuye,Thina ngeke siphendule ngoba sisemnyameni.
20 Kumele atshelwe ukuthi sengifuna ukukhuluma yini?
Ukhona yini okhulume into eqakathekileyo okumele ayizwe?+
21 Kabakuboni ngitsho ukukhanya,Lanxa ilanga likhanyisile emkhathini.
Bazakubona nxa kungavunguza umoya kusale kungasela yezi.
22 Enyakatho kuyakhazimula njengegolide.
UNkulunkulu mkhulu+ okumangalisayo.
23 Ngeke senelise ukuzwisisa konke ngoSomandla.+
Ulamandla amakhulu,+Uhlala esahlulela kuhle+ futhi esenza okulungileyo.+
24 Ngakho kumele abantu bamesabe,+Ngoba kabathandi abazibona behlakaniphile.”+
