UMikha 3:1-12
3 Ngabatshela ngathi: “Ngicela lingilalele lina elizinhloko zendlu kaJakhobeLani bakhokheli bendlu ka-Israyeli.+
Akumelanga likwazi okulungileyo na?
2 Liyakuzonda okuhle,+ lithanda okubi,+Lebula isikhumba sabantu bami, likhiphe lenyama yabo emathanjeni.+
3 Lidla inyama yabantu bami+Lihlubule lesikhumba sabo,Amathambo abo liyawephula liwaqobaqobe,+Njengalokho okuphekwa ngembiza, lanjengenyama esembizeni.
4 Ngalesosikhathi bazakhala kuJehova becela usizo,Kodwa kasoze abaphendule.
Ngalesosikhathi uzabafihlela ubuso bakhe,+Ngenxa yezenzo zabo ezimbi.+
5 Nanku okutshiwo nguJehova mayelana labaphrofethi abadukisa abantu bami,+Nxa bangaphiwa okuthile abangakuhlafuna*+ bamemeza bathi, ‘Ukuthula!’+
Kodwa nxa umuntu engafakanga lutho emilonyeni yabo bayamhlasela:
6 ‘Lizafikelwa yibusuku+ njalo akulambono elizawubona,+Lizakuba semnyameni futhi kalisoze liphinde lihlahlule.
Ilanga lizabatshonela abaphrofethi,Losuku lube mnyama kubo.+
7 Ababona imibono bazayangiswa,+Labahlahlulayo bazadana.
Bonke bazavala imilomo yabo,*Ngoba uNkulunkulu kasoze abaphendule.’”
8 Kodwa mina umoya kaJehova usungenze ngaba lamandla amakhulu,Usungenze ngaba lesibindi lokwahlulela okuhleUkuze ngitshele uJakhobe ngokuhlamuka kwakhe, ngitshele lo-Israyeli ngesono sakhe.
9 Ngicela lingilalele lina elizinhloko zendlu kaJakhobeLani bakhokheli bendlu ka-Israyeli+Lina elizonda ukwahlulela kuhle njalo eligobisa konke okuqondileyo,+
10 Lina elakha iZiyoni ngokubulala liphinde lakhe iJerusalema ngokwenza okungalunganga.+
11 Abakhokheli bayo bayafunjathiswa nxa besahlulela,+Abaphristi bayo bafundisela ukuthola imbadalo,+Abaphrofethi bayo bayahlahlula ukuze bathole imali.*+
Ngapha bezenza bona abathembele kuJehova besithi:
“UJehova kakho phakathi kwethu yini?+
Akulahlupho oluzasehlela.”+
12 Ngakho iZiyoni izalinywa angathi yinsimu ngenxa yenu,IJerusalema izadilizwa isale ingamanxiwa,+Intaba yethempeli* izafanana lezindawo eziphakemeyo eziseguswini.+
Amabala angaphansi
^ Kumbe, “Nxa belume ngamazinyo.”
^ Ngezikhathi zeBhayibhili ukuvala umlomo kwakuyisenzo esitshengisa ukuthi umuntu uyangekile.
^ Kumbe, “isiliva.”
^ NgesiHebheru, “yendlu.”
