HLALA ULINDILE!
Abantu Abanengi Bebekhathazekile Ngo-2023—IBhayibhili Lithini Ngakho?
Izinto ezinengi ezenzakale emhlabeni ngo-2023 zisitshiya singathandabuzi ukuthi siphila “ezinsukwini zokucina.” (2 KuThimothi 3:1) Nanzelela ukuthi izinto ezenzakele lonyaka zihambelana njani lalokho iBhayibhili elathi kuzakwenzakala ngesikhathi sethu.
Okukhulunywa liBhayibhili ngezinto ezenzakalayo
“Izimpi lemibiko yezimpi.”—UMathewu 24:6.
“Kulokhu kusiba lezimpi ezinengi ezindaweni ezitshiyeneyo.” a
Bala isihloko esithi “Ukubulawa Kwabantu Abangelacala Ezimpini—IBhayibhili Lithini Ngakho?” lesithi “Imali Esetshenziswe Ukuthenga Izikhali Zempi Isisedlula $2 Trillion.”
“Kuzakuba lokuzamazama komhlaba ezindaweni ezehlukeneyo.”—UMakho 13:8.
“Ngomnyaka ka-2023 kube lokuzamazama komhlaba okungu-13 obekulamandla kakhulu selokhu kwaqaliswa ukugcina amarekhodi okuzamazama komhlaba ezindaweni ezitshiyeneyo.” b
Bala isihloko esithi “Ukuzamazama Komhlaba Okwenzakale ETurkey LaseSyria.”
“Kuzakuba lezinto ezesabisayo.”—ULukha 21:11.
‘Ayisazwisiseki ngitsho indlela umkhathi ophongutshintshatshintsha ngayo khathesi.’—U-António Guterres, unobhala-jikelele we-United Nations. c
Bala isihloko esithi “Ukutshisa Okungajayelekanga Okuhlasele Umhlaba Wonke Ngo-2023.”
“Kuzakuba lokuswelakala kokudla.”—UMathewu 24:7.
“Bekunzima kakhulu ngo-2023 ukuthi abantu bathole ukudla okweneleyo ukuze banakekele izimuli zabo.” d
Bala isihloko esithi “Impi Ese-Ukraine Kanye Lokutshintsha Komkhathi Sekungezelele Indlala Emhlabeni Wonke.”
“Kuzakuba lezikhathi ezinzima, okunzima ukuphila kuzo.”—2 KuThimothi 3:1.
“Umuntu oyedwa kwabangu-8 emhlabeni ulohlupho lokukhathazeka.” e
Bala isihloko esithi “Ukukhathazeka Kwabasakhulayo.”
Kuyini esingakulindela ngomnyaka ka-2024?
Akula ongatsho sibisibili ukuthi umnyaka ka-2024 uzabe unjani. Kodwa esikubona kusenzakala emhlabeni kutshengisa ukuthi sekuseduze kakhulu ukuthi uMbuso kaNkulunkulu, okutsho uhulumende wakhe osezulwini ukhiphe ohulumende babantu ubusuqeda konke ukukhathazeka kanye lokuhlupheka okukhona.—UDanyeli 2:44; ISambulo 21:4.
Kodwa okwakhathesi uNkulunkulu angasincedisa nxa sikhathazekile kumbe sizizwa sisesaba. IBhayibhili lithi:
“Nxa ngisesaba ngithembela kuwe.”—IHubo 56:3.
Manje singatshengisa njani ukuthi siyamthemba uNkulunkulu? Sicela ukuthi ufunde okunengi ngalokho iBhayibhili elisithembisa khona mayelana lokuthi ukuhlupheka kuzaqedwa njani. Ngena kuwebhusayithi yethu ukuze ubone ukuthi ukwazi izithembiso eziseBhayibhilini kungakunceda njani wena lemuli yakho.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Nanku Okunye
Ezinye Izihloko
Ithemba Elimayelana Lekusasa Elingcono
Kuyini okwenza izithembiso eziseBhayibhilini zingafanani lezithembiso leziphrofetho ezenziwa ngabantu?
ESSENTIAL BIBLE TEACHINGS
Uyini UMbuso KaNkulunkulu?
Ngesikhathi esemhlabeni uJesu wakhuluma kanengi ngoMbuso kaNkulunkulu. Sekuleminyaka eminengi abalandeli bakhe bethandazela ukuthi uMbuso lo ubuye.
UKUCHASISWA KWAMAVESI ASEBHAYIBHILINI
Ukuchasiswa KukaSambulo 21:4—“Uzakwesula Zonke Izinyembezi”
Ivesi le ilesithembiso esihle esimayelana lekusasa.
OKUMAYELANA LATHI
Cela Ukuthi Omunye Wethu Akuvakatshele
Xoxa ngezinto ezitshiyeneyo eziphathelane leBhayibhili kumbe ufunde okunengi ngaboFakazi bakaJehova.
