UJesu watshumayela “izindaba ezinhle zoMbuso kaNkulunkulu.” (Luk 4:43) Wafundisa labantu ukuthi bawuthandazele uMbuso lo. (Mat 6:9, 10) NgoNovember sizaba lomkhankaso wokutshela abantu ngoMbuso kaNkulunkulu. (Mat 24:14) Yenza konke okwenelisayo ukuze ungawukhuthi umkhankaso lo. Bonke abazabe bengamaphayona asizayo ngenyanga le bangakhetha ukubika amahora angu-30 kumbe angu-50.

Xoxa labantu abanengi ohlangana labo ensimini yenu ngombhalo okhuluma ngoMbuso kaNkulunkulu. Ngesikhathi ukhetha umbhalo ozawusebenzisa, zibuze ukuthi abantu ozaxoxa labo bakholwani. Nxa umuntu oxoxa laye efuna ukufunda okunengi, mnike INqabayokulinda No. 2 2020. Phindela ngokuphangisa kulabo abafuna ukufunda, ulenhloso yokuqalisa isifundo seBhayibhili usebenzisa elinye lamathuluzi elitholakala eBhokisini Elilamathuluzi Okufundisa. Sekuseduze kakhulu ukuthi uMbuso kaNkulunkulu utshabalalise bonke ohulumende abaphikisana lawo. (Dan 2:44; 1Kr 15:24, 25) Umkhankaso lo usinika ithuba lokutshengisa ukuthi simsekela ngenhliziyo yonke uJehova loMbuso wakhe!