UJESU wathi: “Ukupha kubusisekile okudlula ukwamukela.” (ImiSeb. 20:35) Limqotho lelo ngoba ukupha yikho okwenza sibe ngabangane bakaNkulunkulu. Zinengi izipho esizinikwe nguJehova ezenza sithokoze. Kodwa sizathokoza kakhulu nxa singamupha isipho. Manje singamnika siphi isipho uJehova? IZaga 3:9 zithi: “Dumisa uJehova ngemfuyo yakho.” “Imfuyo” legoqela isikhathi sethu, iziphiwo zethu, amandla ethu kanye lempahla yethu. Nxa singasekela ukukhonza kweqiniso sisebenzisa izinto lezi, siyabe sisipha uJehova isipho futhi lokho kwenza sithokoze kakhulu.

Kuyini okungasinceda ukuthi singakhohlwa ukupha uJehova? Umphostoli uPhawuli watshela abaseKhorinte ukuthi ‘babeke eceleni imali ethile’ ukuze banikele ngayo. (1 Khor. 16:2) Ungenzani nxa ufuna ukwazi okunengi ngendlela zokunikela ongazisebenzisa elizweni lakini? Sicela ukhangele ibhokisi elingaphansi.

Kwamanye amazwe akuvumi ukunikela usebenzisa i-inthanethi. Ngakho ukuze uthole indlela ongayisebenzisa ngena kuwebhusayithi uhlole ingxenye ekhuluma ngendlela zokunikela. Kwamanye amazwe ingxenye le ilezimpendulo zemibuzo ejayele ukubuzwa ngabantu mayelana leminikelo.