Ngomnyaka ka-33 C.E., uJesu wafa, wavuswa njalo wasesiya ezulwini. Ngemva kwesikhathi esithile, wanikwa amandla okuthi abe yiNkosi. (UDanyeli 7:13, 14) Esikhathini esizayo, nxa uJesu esebusa emhlabeni, uzathatha amanyathelo okwenza ukuthi kube lokuthula emhlabeni wonke futhi aqede ubuyanga.​—Bala iHubo 37:11 lo–72:8, 13.

Nxa uJesu esebusa abantu, uzakwenza izinto ezinengi ezinhle. Uzasebenzisa amandla akhe awaphiwe nguYise ukuthi asuse isono esisebantwini. Bazakukholisa ukuphila emhlabeni bengasagugi njalo bengasafi.​—Bala uJohane 5:26-29 lo–1 Khorinte 15:25, 26.

Okwakhathesi uJesu nguye okhokhelayo emsebenzini wokutshumayela owenziwa ngabalandeli bakhe beqiniso emhlabeni wonke. Bavakatshela abantu ukuze babatshengise ukuthi iBhayibhili lithini ngoMbuso kaNkulunkulu. UJesu wathi wayezaqhubeka esekela umsebenzi wabalandeli bakhe kuze kube yilapho uMbuso kaNkulunkulu usususa ohulumende babantu.​—Bala uMathewu 24:14 lo–28:19, 20.

UJesu ukhokhela abantu ebaqondisa endleleni yokuphila esebenzisa ibandla lamaKhristu eqiniso. Uzaqhubeka ebasekela langesikhathi sokubhujiswa komhlaba lo aze abakhokhele besiyangena emhlabeni omutsha owathenjiswa nguNkulunkulu.​—Bala u-2 Phetro 3:7, 13 loSambulo 7:17.