Entshumayelweni edumileyo uJesu ayenzela entabeni, wakhuluma umthetho oqakathekileyo othi: “Zonke izinto elifuna abantu bazenze kini, lani kumele lizenze kubo.” (Mathewu 7: 12; Lukha 6: 31) Eminye imithombo yolwazi iwubeka kanje umthetho lo ithi: “Lokho ofuna abanye bakwenze kuwe lawe kwenze kubo.”—Encyclopedia of Philosophy.

•  Utshoni umthetho lo?

•  Kunceda ngani ukwenzela abanye lokho ofuna bakwenze kuwe?

•  Kambe lokhu kutsho ukuthi labo sokumele bakwenzele okufananayo?

•  Ungatshengisa njani ukuthi uyakwenza lokho ufuna abanye bakwenze kuwe?

 Umthetho lo owatshiwo nguJesu usikhuthaza ukuthi siphathe abanye ngendlela lathi esifuna basiphathe ngayo. Ngokwesibonelo abanengi bethu siyathokoza nxa sibona abanye besihlonipha, besithanda futhi belomusa kithi. Yikho lathi kufanele ‘sibenzele’ khonokho esifuna bakwenze kithi.—Lukha 6:31.

 Umthetho lo usebenza kuzo zonke izimo empilweni. Ngokwesibonelo . . .

•   Unganceda abatshadileyo ukuthi baqinise umtshado wabo.—Efesu 5:28, 33.

•   Unganceda abazali ukuthi bakhulise kuhle abantwababo.—Efesu 6:4.

•   Unganceda abangane labomakhelwane labantu abasebenza bonke ukuthi bahlale bezwanana.—Izaga 3:27, 28; Kholose 3:13.

 Indaba le yokuphatha abanye kuhle yayigcizelelwa lasemibhalweni ebizwa ngokuthi liThestamenti elidala. Ngokwesibonelo uJesu wathi: “Lokhu yikho kanye okutshiwo nguMthetho esitsho [incwadi zokuqala zeBhayibhili] labaPhrofethi esitsho [incwadi ezalotshwa ngabaprofethi].” (Mathewu 7:12) Ngamanye amazwi umthetho lo ophathelane lokuphatha abanye kuhle wenza sizwisise amazwi la aqakathekileyo atholakala kuthestamenti elidala, athi: Kumele uthande umakhelwane wakho.—Roma 13:8-10.

 Hatshi akunjalo. Umthetho lo ugcizelela ukuthi sibe lomusa. Ngesikhathi uJesu ekhuluma amazwi asemthethweni lo, wayesikhuthaza ukuthi siphathe kuhle abantu bonke kuhlanganisa lalabo abasizondayo. (Lukha 6:27-31, 35) Yikho esikufunda emthethweni lo yikuthi siphathe kuhle bonke abantu.

1.  1. Woba lelihlo elibukhali. Nanzelela abantu abaseduze kwakho. Ngokwesibonelo ungancedisa omunye nxa esindwa yizinto azithweleyo, ungaphathisa nxa ungezwa ukuthi umakhelwane wakho ulalisiwe esibhedlela, loba nxa ungananzelela ukuthi omunye umuntu osebenza laye ukhathazekile. Nxa ‘ungaqakathekisa okufunwa ngabanye’ uzathola amathuba okunceda abanye ngamazwi langezenzo.—Filiphi 2:4.

2.  2. Woba ngumuntu ozwisisayo. Zifake esimeni somunye umuntu. Uzibuze ukuthi aluba nguwe ophakathi kohlupho lwakhona ubuzabe usizwa njani? (Roma 12:15) Nxa ungazama ukuzwisisa ukuthi omunye umuntu uzwa njani, kuzaba lula ukuthi umncede.

3.  3. Vuma ukutshintsha. Hlala ukhumbula ukuthi abantu batshiyene. Ezinye izinto abanye abafuna ubenzele zona zingatshiyana lalokho wena ufuna bakwenzele khona. Ngakho kukho konke ongabenzela khona zama ukucabanga ukuthi yikuphi abangafuna kakhulu ukuthi ubenzele khona—1 Khorinte 10:24.