CIJIJO 27
Tinoponeswa Kudini ngo Rufu la Jesu?
Iyesu tinoshaisha, tinotambujika uye tinofa ngo kuti vandhu vaviri vokutanga Adhamu na Evha avato kuzwira Mwari. a Izvi azvibhui kuti atina soterero. Jehovha wakatuma Mwana wake Jesu Kristu kuti aviye kuzotiponesa muzvishaishi no rufu. Bhaibheri rinotijijisa kuti Jesu paakafa wakatisunungula. Rusununguko mutengo unobhadharwa kuitira kusunungula mundhu. Jesu wakabhadhala rusunungulo uwu ngo upenyu wake wakakwana kana kuti usina cishaishi. (Verenganyi Mateu 20:28.) Jesu paakajipira kurasikirwa ngo mukana wokurarama nokusingaperi pasi pano, wakativhurira mukana wokuwana zvese zvainga zvaraswa ndi Adhamu na Evha. Rufu la Jesu rinokhombijavo kuti iyena na Jehovha vanotida maningi. Cijijo cino, cinozotibesa kuti tireremeje rufu la Jesu.
1. Tinoponeswa kudini ngo rufu la Jesu mazuva ano?
Tese tiri vashaishi, ndizvona zvinotiita kuti tide kuita zvisingadakaji Jehovha. Asi kudai tikazvidemba pazviro zvakashata zvatinonga taita, tokumbira Jehovha kuti atiregerere ngo zina la Jesu Kristu uye toita zvese zvatinokona kuti tisazviphinda, tinokwanisa kuregererwa uye tova no ushamwari wakanaka na Mwari. (1 Johani 2:1) Bhaibheri rinoti: ‘Kristu wakafira zvishaishi kamwe basi mbhera na rini, mururami wakafira vasito kururama kuti avaendese kuna Mwari.’—1 Petro 3:18.
2. Rufu la Jesu rinozotibesa kudini muno lamangwana?
Jehovha wakatuma Jesu kuti apire upenyu wake wakakwana ‘kuti mundhu wese anotenda maari, atame kupalajwa asi ave no upenyu usingaperi.’ (Johani 3:16) Ngo ndava yo zvakaizwa ndi Jesu, mbaimbai pano Jehovha unozovhisa zvese zvakaviiswa ngo ndava yokutama kuzwira ka Adhamu. Izvi zvinoda kubhuya kuti, kudai tikatenda mu muripo wa Jesu, tinozorarama nokusingaperi pasi pano takadakala!—Isaya 65:21-23.
JIJANYI ZVIZINJI
Jijanyi kuti ngenyi Jesu wakapira upenyu wake, uye wonanyivo kuti mungabeswa kudini ngo zvaakaitari.
3.Rufu la Jesu rinotisunungula pacishaishi no rufu
Wonanyi VHIDHIYO, mapeja bhuisananyi ngo muvhunjo unotevera:
-
Ngazvipi zvakaruzwa ndi Adhamu ngo kutama kuzwira Mwari?
Verenganyi VaRoma 5:12, mapeja bhuisananyi ngo muvhunjo unotevera:
-
Cishaishi ca Adhamu cakakanganisa kudini upenyu wedu?
Verenganyi Johani 3:16, mapeja bhuisananyi ngo muvhunjo unotevera:
-
Ngenyi Jehovha wakatuma Mwana wake kuti aviye pa nyika?
-
Adhamu wakasikwa asina cishaishi, asi kutama kuzwira kaakaita, kakaita kuti vandhu vese vave no cishaishi uye vafe.
-
Jesu wainga ari mundhu wainga asina cishaishi asi wakalamba esizwira Mwari uye zvaakaitari zvakapa mukana vandhu vese wokurarama nokusingaperi vakadala vasina cishaishi.
4. Rufu la Jesu ringakwanisa kubesa vandhu vese
Wonanyi VHIDHIYO, mapeja bhuisananyi ngo muvhunjo unotevera:
-
Zvingakwanisika kudini kuti rufu lo mundhu umwe basi ribese vandhu vese?
Verenganyi 1 Timoti 2:5, 6, mapeja bhuisananyi ngo muvhunjo unotevera:
-
Adhamu wainga mundhu wainga asina cishaishi, asi zvaakazoita zvakaita kuti vandhu vese vave vashaishi uye vafe. Jesu waingawo mundhu wainga asina cishaishi. Jesu wakaitenyi kuti ape “rusununguko rinozwirana” ku vandhu vese?
5. Muripo cipo cinovha kuna Jehovha
Kudai muri shamwari ya Jehovha, munowona rusununguko inga cipo comakapuwa imwimwi pacenyu. Inga muezaniso, wonanyi mundhu umweni waiwona rusununguko uwu inga cipo caakapuwa pacake. Verenganyi VaGaratia 2:20, mapeja bhuisananyi ngo muvhunjo unotevera:
-
Ngazvipi zvinokhombija kuti mupostori Paulo waiwona rusununguko inga cipo caakapuwa ndi Mwari?
Adhamu paakashaisha, iyena no vandhu vese vaizobarwa pasure pokushaisha kake, vakatongerwawo rufu. Asi Jehovha wakapira upenyu wo Mwana wake kuti tiwane upenyu usingaperi.
Pamunonga mesiverenga mavhesi anotevera, langariranyi kuti Jehovha wakajizwa kudini paaiwona Mwana wake esitambujika. Verenganyi Johani 19:1-7, 16-18, mapeja bhuisananyi ngo muvhunjo unotevera:
-
Munozwa kudini ngo rudo lomakaizirwa ndi Jehovha na Jesu?
KUDAI MUNDHU UMWENI AKAMUVHUNJISA KUTI: “Rufu lo mundhu umwe basi ringaponesa kudini vandhu vese?”
-
Maizomudavirisa kudini?
TAJIJENYI
Tajija kuti kufa kakaita Jesu kakatipa mukana wo kuti vandhu varegererwe zvishaishi zvavo uye kuti vazorarama nokusingaperi vesidakala.
Muvhunjo Jokuhwirijira
-
Jesu wakafirenyi?
-
Upenyu wa Jesu waakapira wakaitisa kudini “rusunungulo lakakwana” ku vandhu vese?
-
Tinoponeswa Kudini ngo Rufu la Jesu?
JIJANYI ZVIMWENI
Jijanyi kuti ngenyi upenyu wa Jesu wakakwana weizwi rusunungulo.
“Muripo wa Jesu Unosunungurisa Kudini Vazinji?” (Mu saiti jw.org)
Wonanyi kuti ngazvipi zvatingaita kuti tiponeswe.
Jehovha unoregerera no zvishaishi zvakakura here?
“Muvhunjo Jiri mu Bhaibheri Jakapingurwa” (Nharireyomurindi, 1 ya Maio yo 2013)
Wonanyi kuti mwanarume umweni wakabeseswa kudini kuti acinje undhu wake paakajija ngo pamusoro po muripo wa Jesu.
a Cishaishi azvibhui basi kuita zviro zvakashata. Asi zvinobhuyavo ciro cinotiita kuti tide kuita zviro zvakashata ngokuti tese takavha kuna Adhamu na Evha.
