CIJIJO 53
Khetanyi Valaijo jinodakaja Jehovha
Jehovha ndi ‘Mwari wakadakala.’ (1 Timoti 1:11) Unoda kuti tidakare uye tidakajwe ngo upenyu. Iyena unodakala maningi patinopsaka nguva kuti tizorore. Mucijijo cino, tinozowona kuti tingashandisa kudini nguva yedu zvakanaka ngo njira inoita kuti tidakare uye tidakajewo Jehovha.
1. Ngazvipi zvatinodikana kulangarira patinokheta valaijo?
Zvicinyi zvamunodakarira kuita pamunonga makazorora? Vamweni vanodakarira kugala havo pamuzi vari vega vesiverenga mabhuku, vesirija ngoma, vesiwona mavhidhiyo kana kupinda mu interneti. Vamweni vanoda kuita zviro zvakadai inga kuvhakaca no shamwari javo, kuhamba hamba kana kuenda koobhukuca. Azvinenyi kuti tinodakarira kuita zviro zvipi, asi tinodikana kukheta valaijo ‘jinodakaja Ishe.’ (VaEfeso 5:10) Izvi zvakanaka maningi kuti tizvizwisise ngokuti zviro zvakawanda zviri kuvalaija vandhu mazuva ano, nga zviya zvinonyenywa ndi Jehovha, zvakadai inga zvokutakana, uhure no zvo madhimoni. (Verenganyi Mapisarema 11:5.) Zvicinyi zvatingaita kuti tikhete zvakanaka valaijo?
Kudai tikakheta shamwari jinoda Jehovha zvisaita kuti tive vandhu vanoda zvakanaka uye tikhete valaijo jinodakaja Jehovha. Inga zvotakawona mucijijo 48, ‘mundhu anohamba no vakangwala, anozovawo akangwala.’ Ngo divi rimweni, kudai tikagala tesitamba no vandhu vasikadi mutemo ya Mwari ‘tinozoita zvakashata.’—Zvirevo 13:20.
2. Ngenyi zvakanaka kuti tingwarire nguva yatinopeja tesivalaija?
Kunyange tingakheta valaijo jakanaka tinodikana kungwarira kuti tisapeja nguva yakawanda tesivalaija. Kudai tikadaro, tinozopejisira tisina nguva yokuita zviro zvinokosha. Bhaibheri rinotikurujira kuti ‘tishandise nguva yedu zvakanaka no ungwaru.’—Verenganyi VaEfeso 5:15, 16.
JIJANYI ZVIZINJI
Jijanyi kuti mungaitenyi kuti mukhete valaijo jakanaka ngo ungwaru.
3. Musaita valaijo jisingadakaji Jehovha
Ngenyi tinodikana kungwarira patinokheta valaijo? Wonanyi VHIDHIYO, mapeja bhuisananyi ngo muvhunjo jinotevera:
-
Mutambo yo kare yaizwa ku Roma yakaezana papi no mutambo iri kuizwa mazuva ano?
-
Mu vhidhiyo iyi, Danny wakajijenyi ngo zvo valaijo?
Verenganyi VaRoma 12:9, mapeja bhuisananyi ngo muvhunjo unotevera:
-
Vhesi iyi, ingamubesesa kudini pakukheta valaijo?
Zviro zvipi zvimweni zvinonyenywa ndi Jehovha? Verenganyi VaRoma 6:16, 17 na VaGaratiya 5:19-21. Mapeja bhuisananyi ngo muvhunjo unotevera:
-
Zviro zvipi zvabhuiwa mu mavhesi aya zvinonyanya kuitika mazuva ano?
Zvamungaita kuti mukhete valaijo ngo ungwaru
Zvivhunjisenyi kuti:
-
Icinyi? Kubhuya kuti valaijo iji jinodakaja Jehovha here?
-
Riini? Ndiri kuzviita pa nguva yandinodikana kuita zviro zvinokosha here?
-
Naani? Kubhuya kuti valaijo iji jinondiita kuti ndive no shamwari jisingadi Jehovha here?
Zvakanaka maningi kuti titambire ndhambo no ngozi. Kudai tesikanakana kuti valaijo iji jakanaka here kana kuti haiwa, zvainga zviri nane kuti titojisiya.
4. Shandisanyi zvakanaka nguva yenyu
Wonanyi VHIDHIYO, mapeja bhuisananyi ngo muvhunjo unotevera:
-
Kunyange hama iyi yainga isingawoni zvakashata zvayaaita, mashandisire oyaiita nguva poyainga isiripi pa basa zvakaikandisa kudini pa ngozi?
Verenganyi VaFiripi 1:10, mapeja bhuisananyi ngo muvhunjo unotevera:
-
Vhesi iyi ingatibesesa kudini kuti tikhete nguva yatingapeja tesivalaija?
5. Khetanyi valaijo ngo ungwaru
Icokwadi kuti valaijo jimweni ajidakaji Jehovha, asi kuno zviro zvakawanda zvatingakheta zvinodakaja Jehovha. Verenganyi Muparidzi 8:15 na VaFiripi 4:8, mapeja bhuisananyi ngo muvhunjo unotevera:
-
Munodakarira kuvalaija no zviro zvipi zvakanaka?
Kuno zviro zvakawanda zvakanaka zvatingavalaija ndizvona
VAMWENI VANOTI: “Apana zvakashata kuzvivalaija ngo kuwona zvokutakana, zvo uhure kana kuita zvo udhimoni, zvinokosha kurega kuzviita basi.”
-
Iyemwiwo munoti kudini?
TAJIJENYI
Tajija kuti Jehovha unoda kuti tikhete zvakanaka valaijo jedu uye kuti tidakajwe ndijona.
Muvhunjo Jokuhwirijira
-
Vakristu avadikani kuita valaijo jakadini?
-
Ngenyi tinodikana kungwarira nguva yatinopeja tesivalaija?
-
Ngenyi munodikana kukheta valaijo jinodakaja Jehovha?
JIJANYI ZVIMWENI
Wonanyi kuti ndiyani anodikana kumukhetera valaijo jenyu.
“Zvapupu Zva Jehovha Zvinolambisa Mavhidhiyo, Mabhuku Kana Kuti Ngoma Here?” (Mu saiti jw.org)
Wonanyi kuti mungakhetesa kudini zvakanaka zvokuvalaija ndizvona.
“Zvamunovalaija Ndizvona Zvinobesa Here?” (Nharireyomurindi, 15 ya Outubro yo 2011)
Kuti muwone kuti ngenyi mwanarume umweni wakakheta kusiya zvaimuvalaija, verenganyi shwiro inoti “Ndakasiya kunyange kukheta kondaiita vandhu vamweni,”.
“Bhaibheri Rinocinja Upenyu wo Vandhu” (Nharireyomurindi, 1 ya Fevereiro yo 2010)
Wonanyi kuti amai vamweni vakangwaririsa kudini pa kukheta valaijo jisina zvo udhimoni.
