1 Johani 1:1-10
1 Soko ro upenyu, ndirona rainga riripo kuvhira pakutanga, ratakazwa, ratakavona ngo majiso edu, ratakasota no kubata ngo nyara jedu.
2 (Ndizvona, upenyu hwakakhombijwa, itusu takahuvona, tohuitira ucapupu no kumuzivisa upenyu hucikaperi. Ihwona hwainga na Baba, asi takahukhombijwa.)
3 Zvatakavona no zvatakazwa tiri kuzvizivisavo imwimwi, kuti mubatanevo na itusu. Itusu takabatana na Baba no Mwana wavo, Jesu Kristu.
4 Tinomutarira zviro izvi kuti tizare ngo mudakaro.
5 Tinomuzivisa masoko atakazwa ndiyena okuti: Mwari ruvheneko, kwaari akuna cidima.
6 Kudari tikananga kuti: “Takabatana naye,” perapo toramba tecifamba mucidima, tiri kunyepa; atiripi kuita zvinodiwa ngo cokwadi.
7 Asi, kudari tecifamba mu ruvheneko inga ndiyena ari mu ruvheneko, takabatana ngo cedu, ngazi ya Jesu, Mwana wake, inotisuka ku zvishaishi zvese.
8 Kudari tikananga kuti: “Atina cishaishi,” tiri kujicengeja tega, cokwadi aciripi mwatiri.
9 Kudari tikadekeca* zvishaishi zvedu, iyena wakagondeka no kururama, anotiregerera zvishaishi zvedu perepo woticenesa mu zviro zvese zvicizivi kurungama.
10 Kudari tikananga kuti: “Atizivi kushaisha,” tiri kumuita munyepi, soko rake ariripi motiri.
Masoko o Pasi
^ Kana: “tikareurira.”
