Isaya 61:1-11
61 Mujimu wa Mambo Mukuru-kuru Jehovha una inini,Ngokuti Jehovha wandizoja kuti ndizivise masoko akanaka ku vandhu vakapfava.
Iyena wakandituma kuti ndirape mwoyo inohwaja,Kuti nditokotese rusujunuko ku vasungwiNo kunasa kufunungura majiso o vandhu vakasungwa,
2 Kuti ndizivise gore ro unyasha ra JehovhaNo njiku yo kuhwirijira kwa Mwari wedu,Kuti ndinyaraje vandhu vese vanocema,*
3 Kuti ndibesere vaya vari kucema mu Ziyoni,Kuvasimija zvinemeso mu musoro mavo kuciripi marota,Kuvapa mafuta o mudakaro kuciripi ciriro,No kuvapa nguvo yo rukujo, kuciripi mwoyo unohwajihwa.
Ivona vanozodaninjwa kuti muti mukuru yo ururami,Yakasiiwa ndi Jehovha, kuti iyena akujwe.
4 Ivona vanozovakisazve mathere o kare;Vovakisazve ndau jakaphwanyiwa kare,Pamwepo no madhorobha akasara acina vandhu,Jiri ndau jakasara jicina vandhu ku mubarihwana no mubarihwana.
5 “Vandhu vamucikazivi vanozojipira vozohavisa mushambi yenyu,Vonyikanja vanozongwarira munda yenyu no muuvha yenyu.
6 Asi imwimwi, munozodaninjwa kuti muri vapiri va Jehovha;Munozodaninjwazve kuti muri vashandiri va Mwari wedu.
Imwimwi munozoha upfumi hwo majinja,Mozozvikuja ngo upfumi hwavo.
7 Pa ndau po nyowa, imwimwi munozoashira zviro zvakapethwa kaviri mu nyika yavo,Pa ndau yo kudodokeswa, vandhu vangu vanozomima ngo kudakara ngo ndava yo zviro zvavanonga vaashira.
Hina, vanozoashira zviro zvakapethwa kaviri mu nyika yavo.
Ivona vanozodakara mbhera narini.
8 Ngokuti inini Jehovha, ndinodisisa ururami;Ndinonyenya umbavha no kutama kururama.
Inini ndinozovapa mupocero wavo ngo kugondeka,Ndinozoita citenderano co kwenda no kwenda navo.
9 Mubarihwana wavo unozozivika pakati po majinjaVazukuru vavo vanozozivika ngo vandhu.
Vese vanozovavona vozovaziva,Voti, uwu ndiwona mubarihwana wakakomborehwa ndi Jehovha.”
10 Ndinozova no mudakaro mukuru ngo ndava ya Jehovha.
Inini kamare ndinozodakara ndi Mwari wangu.
Ngokuti iyena wakandisimija nguvo yo ruponeso;Ondifukija ngo nguvo yakareba icina mukono yo ururami,Inga murovori anosimira dhuku* rakaezana no ro mupiri,Inga murovohwi anojisejesa ngo zvinemeso.
11 Zvokadi, inga mavhu anomeresa mamutiNo munda unoita kuti mbeu jakasimwemo jimere,Mambo Mukuru-kuru JehovhaAnozomeresa ururami no rukujo pamberi po majinja ese.
