Jobe 13:1-28
13 “Ndizvona! Meso angu akapera kuzvivona zvese izvi,Njeve jangu jakazvizwa, jozvizwisisa.
2 Zvamunoziva, inini ndinozvizivavo;Imwimwi amundipindi.
3 Kwandiri, zviri nane kubhuya no Womasimba Ese;Ndaida hangu kujiinikira pamberi pa Mwari ngo pamusoro po ndava yangu.
4 Imwimwi muri kusvipisa zina rangu ngo kundinyepera;Imwimwi mwese muri varapi vacikabesi ciro.
5 Nokwainga kuti mamukira kunyararisa basi,Maizovonesa uzivi hwenyu.
6 Ndapota! Izwanyi zvandiri kudari kunanga,Nasanyi kupurutana* kudeketera ko muromo wangu.
7 Maizondinyepera ngo zina ra Mwari here?Maizovereketa zvo kunyepa ngo zina rake here?
8 Maizogara ku divi rake here?Maizoeja kubesera Mwari wocokwadi pa shwiro yake here?
9 Kudari Mwari akamupopora, zvicinyi zvaaizowana kwamuri?
Maizokwanisa kumucengeja inga zvamunoitira mundhu ari wese here?
10 Zvokadi iyena anozomupangiraKudari mukaeja kukhetana pa cifise-fise.
11 Ukuru hwake ahuzomuthyisi here?Imwimwi amuzomuthyi maningi here?
12 Masoko enyu o uzivi akaita inga marota acikabesi ciro;Zvamunovereketa meciita inga vandhu vacina ndava, azvizivi kuvanga inga dongo.
13 Nyararisanyi pamberi pangu, kuti inini ndiverekete.
Ngazviitike zvinodaro kuitika!
14 Ndingajidirirenyi pa ngozi?Ndingadirirenyi upenyu hwangu mukanwa mo mbhondoro?*
15 Pikija hazvo kuti iyena angandiuraya, inini ndinondovetera;Ndinozojiinikira pamberi pake.
16 Ngo kudaro, iyena anozova muponesi wangu,Ngokuti apana mundhu wakashata anoenda pamberi pake.
17 Nasanyi kupurutana* masoko angu;Teyanyi njeve ku masoko andiri kuvereketari.
18 Inini ndapera kunasirira kuti ndiyende konanga shwiro yangu;Ndinozviziva kuti inini ndinorazau.
19 Ndiyani angazovereketesana na inini?
Ndinozofa kudari ndikaenderera mberi ndakanyarara!
20 Wari ndapota Mwari wangu! Ndipekejenyi zviro zviviri basi,Kuti nditame kufindara pamberi penyu:*
21 Cokutanga, diranyi nyara yenyu inorema ndhambo na inini,Cocipiri, mucaenderera mberi mecindondithyisa.
22 Ndidaninjenyi, inini ndinozomudavira,Kana kuti, ndisiyenyi ndiverekete kuti imwimwi mundidavire.
23 Zvicinyi zvandakaposa no zvandakashaisha?
Ndivhunjenyi pikado jangu no zvishaishi zvangu.
24 Ngenyi muri kundifuratiraMondivona inga ndiri muvengi wenyu?
25 Mungaeja kuthyisa sakani riri kutohwa ngo mbhepoKana kutevera sora rakaoma?
26 Ngokuti munoenderera mberi mecitarira masoko anohwaja andinonyepehwa.Munondiita kuti ndidavire ngo pamusoro po zvishaishi zvandakaita ndiciri mwana mudoko.
27 Imwimwi munodira soka jangu mudanda,Munosotesesa makwanja angu ese,No kupopora makwanja angu.
28 Ngo kudaro, mundhu anopera inga ciro cavora,Inga nguvo inocengwa ngo mapete.
Masoko o Pasi
^ Kana: “kupurukira.”
^ Gama ngo Gama: “Ndingabatirira ngenyi nyama yangu ngo meno angu.”
^ Kana: “kupurukira.”
^ Kana: “nditame kumuvanda.”
