Jobe 18:1-21
18 Bhiridhadhi Mushuwa, wakadavira kudari:
2 “Ucada kuvereketa zviro izvi mbhera kwapi?
Rangarirai, perepo tinozobhuya.
3 Ngenyi tingavoneka inga tiri zvinyamaToita inga tiri marethe* pamberi pako?
4 Pikija ukajiuraya ngo pamusoro po kunyangajwa,Kureva kuti nyika ingaita mathere ngo pamusoro pako?Mapuwe angacinja ndau yawo here?
5 Ndizvona, ruvheneko hwo mundhu wakashata, hunozojimwa.Murazvu wo muriro auzobwaki.
6 Ruvheneko huri mukati mo tende yake, zvokadi kamare hunozoita cidima,Rujhu iri kunja kwayo inozojimwa.
7 Mudanyu jaari kuita ngo simba, jinozofupiswa.*Nee zvaanoronga azvizobudiriri.
8 Makumbo ake anomuendesa mu murau.Iyena anofamba-famba mbhera kuwira mu juya.
9 Watuwera unozomubata cisisinindho cake;Ngodha inozomusunga.
10 Wakateehwa bote rakavigwa mu mavhu,Watuwera wakateiwa mu gwanja rake.
11 Maphanga anomuthyisa ku mativi eseIwona anomutevera mu makwanja ake ese.
12 Simba rake rinozopera,Matambujiko anozomuita kuti iyena athethereke.
13 Ganda* rake riri kuhiwa;Ndhendha inouraya iri* kupeja makumbo ake no mukono jake.
14 Iyena anozobudiswa mutende yake yaaifindarira*Woendeswa kuna mambo wo maphanga.*
15 Vandhu vaacikazivi vanozogara mu tende yake;Enshofre inozondhandhaniswa pamuzi pake.
16 Muji jake jinozooma pasi pake,Matavi ake anozooma panyezuru pake.
17 Akuna mundhu anozomuceukijazve pasi pese,Zina rake arizoziviki* muzvitaka.*
18 Iyena anozogogomehwa kuvha ku ruvheneko kwenda ku cidimaAnozovhiswa mu nyika ino ndimo.
19 Iyena aazovi no vana,Nee mubarihwana pakati po vandhu vake.
Akuna na umwe anozoponeswa mu nyika yaanozogara.
20 Njiku yake ikaguma, vandhu vo kumavirira vanozobharuka cifuva.Vandhu vo kumavhazuva vanozothya maningi.
21 Izvi ndizvona zvinozoitika no tende jo vandhu vakashataNo ndau jo vandhu vacikazivi Mwari.”
Masoko o Pasi
^ Kana: “ticizivi kucena.”
^ Kana: “Kufambisira kwake kunomuhwirija sure.”
^ Kana: “Dovo.”
^ Gama ngo Gama: “Dangwe ro rufu riri.”
^ Kana: “yaaivanda.”
^ Kana: “rufu hunothyisa.”
^ Gama ngo Gama: “Iyena anozova acina zina.”
^ Kana: “mu ruwa.”
