Jobe 20:1-29
20 Zofari Munaamati, wakadavira kudari:
2 “Murangariro wangu ucizivi kugajana, unoita kuti ndidavireNgokuti ndiri kuneseka.
3 Iwewe wandituka ngo zvawavereketaro;Ndiri kuda kukudavira ngokuti ndiri muzivi.
4 Iwewe nguva jese unozviziva izvi.Ngokuti ndizvona zvakaitika kutangira pakaruhwa mundhu.
5 Kuti mudakaro wo mundhu anoita zvakashata, ngo wo nguva shomani.Mudakaro womushaishi aunesi kupera.
6 Pikija kureba kwake kukaguma kudenga,No musoro wake ukapsasa makore,
7 Iyena anozongara-ngara mbhera narini inga zvinoita svina yake.Vaimuvona vanozovhunjisa kudari: ‘Ari kwapi?’
8 Iyena anozongara-ngara inga zvinoitika no hopeIyena anozongara-ngara inga zvivoniso zvo usiku.
9 Majiso aimuvona aacazomuvonizveNdau yaaigara aicazomuvonizve.
10 Vana vake, vanozokumbira besero kuvarombo,Nyara jake jinozohwirija upfumi hwake ku mundhu waakatorera.
11 Maphondo ake, ainga akazara ngo simba ro ujaha.Asi iwona wari, ari kwenda kootambarara nae mu bukuta.
12 Kudari zvakashata zvikatapira mukanwa make,Paanozvidira pasi po rurumi hwake,
13 Kudari akazviravira wotama kuzvipfiraAsi wogara nazvo mukanwa,
14 Zvokuha zvake zvinozoshasha mundani make;Izvona zvinozoita inga nvhenene yo nvhira mu muviri mwake.
15 Iyena wakamija upfumi, asi anozohuruca;Mwari anozohupeja mundani mwake.
16 Iyena anozosvuta nvhenene yo nvhira.Meno o vhumbi anozomuuraya.
17 Iyena aazovonizve kupopoma ko kumwa,Kupopoma ko mukaka* no uci.
18 Iyena anozoramwa upfumi hwake acizivi kuhushandisa;Iyena aazodakajihwi ngo upfumi hwaakawana ngo basa rake.
19 Ngokuti wakacikita murombo womutiza;Iyena wakatora nyumba yaacizivi kuvaka.
20 Asi iyena aazovi no runyararo hwomukati;Upfumi hwake ahuzomuponesi.
21 Akuna ciro casara kuti ahe;*Ndizvona zvinomuitisa kuti atame kubudirira kwenda nokwenda.
22 Paanonga akakhupuka maningi, kuthimwa-thimwa kunozomugumira;Urombo unozomugumira ngo simba raho rese.
23 Mundhu wakashata paanonga aguta,Mwari anozoviisa ushungu hwake hunobwaka kwaari,Inga nvhura, zviro zvakashata zvinozomuwira.
24 Kudari iyena akatiza zvikhai* zvo simbi,Mupasha wakaithwa ngo utare unozomufura.
25 Iyena anovhomora mupasha sure kwake,Mupasha wainga wakabaya ciropa,Wozara ngo kuthya.
26 Upfumi hwake hunozovetera cidima* cikuru;Iyena anozopejwa ngo muriro ucina mundhu anoubwakija;Matambujiko ari kuvetera vandhu vasara mutende yake.
27 Denga rinozovonesa zvishaishi zvake;Nyika inozomupandukira.
28 Nyumba yake inozotohwa ngo kumwa;Kunozova no bonda ro nvhura mu njiku yo kucamwa ka Mwari.
29 Mwari wakanasirira divi iri kuti apekeje mundhu wakashata,Utaka hwaakanasirira kuti amupekeje.”
Masoko o Pasi
^ Kana: “reti.”
^ Kana: “avhavhure; anjakire.”
^ Kana: “zviphano.” Mathurusi anokhuvaza o simbi.
^ Kana: “cirima.”
