Jobe 21:1-34
21 Jobe wakadavira kuti:
2 “Purutananyi ushoni zvandiri kunangari.Uku ndikona kunyaraja kwamungandiita.
3 Amboimiranyi ndipeje kuvereketa.Ndikapeja, maakuzondishora henyu.
4 Kureva kuti inini ndiri kuvereketa zvinondinesa ndecivhunja mundhu here?
No kwainga kuti ndaidaro, andicaizodenopi ndaremba?
5 Ndisotenyi, monasa kundisotesesa mecikahamaraBatanyi muromo wenyu.
6 Ndikazvirangarira, hope ajizi.Muviri wangu wese unotetemera
7 Ngenyi vandhu vakashata vanoenderera mberi vecirarama,*Veciita harahwa no kukhupuka?
8 Ivona vandori no vana vavo nguva jeseVecitoguma pa kuvona vazukuru vavo.
9 Muzi javo jakatogarisika jicikathyiMwari aavataki ngo mushakwe.
10 Mwombe javo jorume ajiregeri kubarisa;Mwombe javo jokaji jinobara nee ajisvoji.*
11 Vana vavo vorume vano gogoma kunjaInga mushambi wo mavhuta,
Vana vavo vanophuka ngo kudaraka.
12 Vanoimba vecirija ngoma no cimadangariVanodakajihwa ngo kurira ko mutoriro
13 Vanodakara ngo upenyu hwavo mazuva eseIvona vanoenda mu Guva* mu runyararo*
14 Ivona vanovhunja Mwari wocokwadi kudari: ‘Tisiyenyi hedu
Atidi kuziva makwanja enyu.
15 Ndiayani Womasimba Ese kuti timushandire?
Taizowanenyi kudari tikamuziva?’
16 Asi ndinoziva kuti kubudirira kwavo, akuvhi pa simba ravo.
Murangariro jo* vandhu vakashata jiri ndhambo na inini.
17 Rujhu yo vandhu vakashata, inojimwa kangana?
Matambujiko anovaviira kangana?
Mwari paanonga akanyangajwa, anovaparaja kangana?
18 Kureva kuti vanoita inga maushwa anopepeswa ngo mbhepo?Vanoita inga njakani inotohwa ngo cituturi?
19 Mwari anozokhawisa vana vo vakashata
Ngo ndava yo zvishaishi zvo majibaba avo.
Asi Mwari ngaamukhawise kuti iyena azive kuti anoita zvakashata.
20 Majiso ake ngaavone kufa kwake,Ngaamwe ushungu wa Mwari Womasimba Ese.
21 Kudari njiku jo mweji jake jikaguhwa,Iyena aazozivi zvinozoitika no vana vake
Pasure po kuguhwa ko upenyu hwake.
22 Mwari ndiyena anotonga vandhu vakakhwirira,Waro ndiyani angakwanisa kumujijisa?
23 Kuno mundhu anofa paanonga ano simbaNo paanonga acikaneseki,
24 Mutezo jake pajinonga jakapundaNo paanonga ano maphondo akavanga.
25 Umweni anotambujika mbhera kofa,Acizivi kumbovona zviro zvakanaka.
26 Vese vanopinda mu mavhuVese vanozara ngo honye.
27 Inini ndinonasa kuziva zvamuri kurangariraroZvamurikuejaro kuita kuti munditambuje.
28 Imwimwi munonanga kudari:‘Iri kwapi nyumba yo mundhu anosisira?
Iri kwapi tende yaigaraya vandhu vaiita zvakashata?’
29 Imwimwi amuzivi kuvhunjisa vafambi?
Amuzivi kujijisana ngo pamusoro po mavonero avo?
30 Kuti mundhu wakashata anosiiwa pa njiku jo matambujiko?Kuti iyena anoponeswa pa njiku youshungu?
31 Ndiyani anomukhawisa ngo pamusoro po mufambiro wake?Ndiyani anomuhwirijira ngo pamusoro po zviro zvaakaita?
32 Paanoendeswa ku makuvaVanozodira mungwariri pa guva rake.
33 Ivona vanozonakihwa ngo nyika yavanozofushihwaroVandhu vese vanomuteveraInga zvakaitika no vandhu vazinji vaingepo iyena acito abahwa.
34 Waro muri kundinyarajirenyi ngo masoko acikabesi?
Mupinguro jenyu ngo jokunyepa basi!”
Masoko o Pasi
^ Kana: “vecipona.”
^ Kana: “ajirashi.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “Ivona vanofirepo.” Kana kuti, kukasika kufa ucikahwajihwi.
^ Kana: “Mazano o.”
