Jobe 28:1-28
28 “Kuno ndau inociwa sirivha,Kuno ndau inociwa goridhi ravanonasirira.
2 Simbi inovha pasiUtare unobudiswavo mu mapuwe.
3 Mundhu anonyisa cidima.Anoenda ku ndau inocidima, wonasa kupsaka,Mapuwe ondhoo ano mutengo mukuru.
4 Ivona vanoca mugodhi, ndhambo no kunogara vandhu,Ku ndau icikaziviki, ndhambo no kunopinda ngo vandhu.Vandhu vamweni vanoterera vogara vakati renga-renga.
5 Zvokuha, zvinovha pasi po mavhu.Asi mavhu akona anoparajwa inga kuparajwa ngo muriro.
6 Pamapuwe, panowanika mapuwe o safira.Pamavhu, panowanika goridhi.
7 Akuna hokotora inoziva gwanja rokuguma kondhoyo.Jiso ro njerere,* arizivi kuzvivona.
8 Akuna cinyama cinothyisa cinozocikeyo.Cimwana co mbhondoro, acifambiri kondhoyo.
9 Nyara yo mundhu inophwanya zibuwe;Anophinduja matundhu ngo maanotangiraro.
10 Iyena anofunungura gwanja ro kumwa pa mapuwe;Majiso ake anovona zviro zvese zvino mutengo mukuru.
11 Iyena anofunga panovha kumwa yo muramboWoviisa ruvheneko pano cidima.
12 Asi uzivi hunowanikihwa kwapi?Kuzwisisa kuri kwapi?
13 Akuna mundhu anoziva mutengo wahoIhwona ahuwaniki ku ndau iri yese pasi pano.
14 Pa ndau yakajika pakawanda kumwa, panoti: ‘Ahuripi pano!’
Jombe rinoti: ‘Ahuripi na inini!’
15 Ihwona ahuezaniswi no goridhi rakanasirihwaNee akupimwi sirivha kuti icinjaniswe nahwo.
16 Ahutengwi ngo goridhi ro OfiriNee ngo buwe ricikanyanyi kuwanika ro onikisi nee no ro safira.
17 Goridhi no vhidhru azviezaniswi nahwo;Nee ahucinjaniswi ngo mujiyo wakaithwa ngo goridhi rakanasirihwa.
18 Mapuwe anonzwi korari no kristari,Nee aatokhwederi phedo,
Ngokuti borosa rakazara ngo uzivi,
Rinosisira maningi kupinda mapuwe ano mutengo mukuru.
19 Topaziyo yo ku Etiyopiya,* aiezaniswi nahwo;Ihwona ahuezaniswi nee no goridhi rakanasirihwa.
20 Asi uzivi hunovha kwapi?Kuzwisisa kunovha kwapi?
21 Ihwona hwakavigwa ku zvisikwa zvese zvinoponaHwakavigwazve ku shiri jese jo kudenga.
22 Kuparajwa no rufu zvinonanga kudari,‘Njeve jedu jakazwa basi kubhuya ngo zvawo.’
23 Mwari anoziva gwanja raangatevera kuti ahuwane.Ndiyena basi anoziva kwahunogara,
24 Ngokuti iyena anosotesesa kwakagumira nyika,Anovona zvese zvinoitika pasi po denga.
25 Paakapa mbhepo simba rayoWopima kumwa,
26 Paakagaja mutemo wokuna ko nvhura,Wofunungura gwanja ro mbheni, no makore o dutu.*
27 Pondhopo, iyena wakavona uzivi, woudurujira;Wakaugaja, woupopora.
28 Ngo kudaro, wakavhunja mundhu kudari:
‘Vonai! Kuthya Jehovha, ndihwona uzivi,Kumbzenga zvakashata, ndikona kuzwisisa.’”
