Jobe 41:1-34
-
Mwari anonanga ngo pamusoro po ngwena inoshamaisa (1-34)
41 “Kunanga kuti iweweUngakwanisa kubata ngwena* ngo civejo?
Kana kuti ungakwanisa kusunga rurimi hwayo ngo bote here?
2 Iwewe ungakwanisa kudira bote* mu miro mayo?Kana kuti, kubovora shaya jayo ngo civejo co* simbi here?
3 Kunanga kuti iyonaIngakuitira mukumbiro wokudeketera?
Kana kuti, ingavereketa ngo njira yaushoni?
4 Kunanga kuti iyona ingaita citenderano na iweweKuti uve muranda wayo mu upenyu hwako hwese here?
5 Kunanga kuti unotamba nayoInga uri kutamba no shiri?
Kana ungaisunga ngo bote
Kuti itambe no vana vako vokaji here?
6 Kunanga kuti vatengesi vangaitengesa here?
Kunanga kuti vangaikovana ngo cavo?
7 Kunanga kuti iweweunobovora dovo ro ngwena ngo mupasha jakawanda?
Kana kuti, unobovora musoro wayo ngo munji?
8 Amboejai kuipsasa ngo mukono wakoIwewe auzokanganwi hondo yaunozovona!
Auzozviitizve.
9 Murangariro wese wokuda kuinyisa
Aubati basa.
Ngo kuivona basi, unomukira kupera simba.
10 Akuna mundhu anokwanisa kuiambira*
Ngo kudaro, ndiyani angakwanisa kuimisana na inini?
11 Ndiyani wakatanga kundipa ciricese
Kuti inini ndimuhwirijire?
Zvese zviri pasi po denga, ngo zvangu.
12 Andizoregeri kuvereketaNgo zviro zviri mumuviri mwayo ngo simba rainayo
No muviri wakanasa kuithwa ushoni.
13 Ndiyani wakambovhisa dovo rayo?
Ndiyani angakwanisa kupinda ngo mushaya jayo?
14 Ndiyani angakwanisa kufunungura
Musuvo jo muromo wayo?
Meno ayo anothyisa.
15 Musana wayo, wakazara wese ngo magwamba.Iwona akanasa kubatana kamare.
16 Magwamba ese akabatana maningiZvokuti nee mbhepo aikwanisi kupinda ngo pakati pawo.
17 Iwona akanamirirana.Akanasa kubatana,
Nee aatoparajanisiki.
18 Painofema, inobudisa murazvu*Majiso ayo akadari inga kubuda ko zuva
19 Kurazva, kunobuda pamuromo payo.Mukati mayo, munobuda zvimbharipari* zvo muriro.
20 Miro jayo jinobudisa usi,Inga forno yadihwa ndhokwe.*
21 Kufema kwayo kunobwakija masimbe.Pamuromo payo panobuda murazvu.
22 Mumusipa mayo, makavanga maningi.Vandhu vakambhera ngo kuivona, vanoithya.
23 Magwamba ayo, akanasa kubatana ngo cawo,Ovanga inga akanyunguruswa* obatana panyezuru payo.
Iwona aavhisiki.
24 Mwoyo wayo wakavanga inga buwe,Hina, inga gwiyo doko.
25 Painomuka, vakavanga vanothyaKutambisa kwainoita mushe wayo, kunokahamarisa.
26 Akuna banga rinokwanisa kuitema;Nee munji, nee mukhondo, nee mupasha.
27 Kwairi, simbi yakadari inga maushwa akaomaUtare wakadari inga matabwa akavora.
28 Mupasha aukwanisi kuitizisaKwairi, mapuwe anodihwa mu vhungamurara*
Akadari inga maushwa akaoma.
29 Kwairi, muponda wakadari inga maushwa.Iyona inoseka musindo wo* munji.
30 Pa ndani payo pakadari inga zviro zvakapinja.*Inofamba yecisiya gwezva mumatope
Inga cokupura ndicona.
31 Inovirisa pakajika inga zvinoita bhodha.Inovirisa jombe inga bhodha rino mafuta.
32 Painopinda, inosiya mavhundu.
Mafuro okumwa ovoneka inga invhi.
33 Akuna ciri cese ciri pasi cingaezana nayo,Iyona yakaithwa kuti itame kuthya cisikwa ciri cese.
34 Iyona inoimisana no nyama jinosimba maningi.
Ndiyona mambo wo zvinyama zvese zvinothyisa zvo musora.”
Masoko o Pasi
^ Kana: “Revhiyatani.”
^ Kana: “ndhokwe; mabungwa.”
^ Kana: “muzwa wo.”
^ Kana: “kuiphera.”
^ Kana: “zvimbharipari; zvisarisari.”
^ Kana: “zvisarisari.”
^ Kana: “mabungwa.”
^ Kana: “akasorodhahwi.”
^ Vonanyi Kudurujihwa ko Magama.
^ Kana: “kuvhuma ko.”
^ Kana: “zvakapita.”
