Mateu 1:1-25
1 Bhuku ro mubarihwana wa Jesu Kristu,* mwana wa Dhavhidhi, mwana wa Abhirahama:
2 Abhirahama wakabara Izaki;Izaki wakabara Jakobe;Jakobe wakabara Judha no vana vamweni;
3 Judha wakabara Perezi na Zera, mai wavo vainga Tamari;Perezi wakabara Ezironi;Ezironi wakabara Aramu;
4 Aramu wakabara Aminadhabhi;Aminadhabhi wakabara Naasoni;Naasoni wakabara Saremoni;
5 Saremoni no mukaji wake Rahabhi, vakabara Bhowazi;Bhowazi no mukaji wake Rute, vakabara Obhedhi;
Obhedhi wakabara Jesi;
6 Jesi wakabara mambo Dhavhidhi.Dhavhidhi wakabara Soromona, mai wa Soromona vainga mukaji wa Uriya;
7 Soromona wakabara Robhowamu;Robhowamu wakabara Abhiya;Abhiya wakabara Aza;
8 Aza wakabara Josafati;Josafati wakabara Jorami;Jorami wakabara Uziya;
9 Uziya wakabara Jotami;Jotami wakabara Akazi;Akazi wakabara Ezekiya;
10 Ezekiya wakabara Manase;Manase wakabara Amoni;Amoni wakabara Josiya;
11 Josiya wakabara Jekoniya no vana vamweni pavakatohwa kuenda Bhabhironi.
12 Pasure po kutohwa kuenda Bhabhironi, Jekoniya wakabara Saratiyeri;Saratiyeri wakabara Zorobhabheri;
13 Zorobhabheri wakabara Abhiyudhi;Abhiyudhi wakabara Eriyakimi;Eriyakimi wakabara Azori;
14 Azori wakabara Zadhoki;Zadhoki wakabara Akimi;Akimi wakabara Eriyudhi;
15 Eriyudhi wakabara Eriyazari;Eriyazari wakabara Matani;Matani wakabara Jakobe;
16 Jakobe wakabara Josefa mwamuna wa Mariya, wakazobara Jesu, anodanijwa Kristu.
17 Kuvha kuna Abhirahama mbhera kuna Dhavhidhi, mubarihwana yese yainga gumi na murongomuna; kuvha kuna Dhavhidhi mbhera pa kutohwa kuenda Bhabhironi, mubarihwana yese yainga gumi na murongomuna; kuvha pa kutohwa kuenda Bhabhironi mbhera kuna Kristu, mubarihwana yese yainga gumi na murongomuna.
18 Kubahwa kwa Jesu Kristu kwakaitika ngo njira iyi: Mariya paainga wagondeswa kucadha na Josefa, iyena wakava no mimba ngo mujimu mucena, vacito vagara vese.
19 Josefa wainga akarurama. Iyena aacaidepi kupseruja Mariya pamberi po vandhu vese. Ngo kudaro wakada kumuramba ngo cifise-fise.
20 Pasure po kurangarira zviro izvi, ngirozi ya Jehovha* yakamugumira muhope, yomuvhunja kuti: “Josefa mwana wa Dhavhidhi, ucathya kucadha na Mariya, ngokuti mimba yaanayo waro ngo yo mujimu mucena.
21 Iyena anozobara mwana, iwewe unodikana kumudura zina rokuti Jesu,* ngokuti iyena anozoponesa vandhu pa zvishaishi zvavo.”
22 Zvese izvi zvakaitika kuti zvikwanirisike zvakananga Jehovha* ecishandisa muporofeti wake, kuti:
23 “Izwanyi! Mbhandwe inozova no mimba, yobara mwana anozodanijwa kuti Emanuweri,” zina iri rikasandujwa rinoreva kuti: “Mwari Ana Itusu.”
24 Josefa wakamuka mu hope, woita zvaakavhunjwa ngo ngirozi ya Jehovha,* perapo wakacadha na Mariya.
25 Asi iyena aazivi kuvatana naye mbhera pa kubara mwana, waakazodura zina rokuti Jesu.
Masoko o Pasi
^ Kana: “Mesiya; Wokuzojwa.”
^ Apa ngo pokutanga kuwanika zina ra Jehovha pa mutengo unokwana 241 mu Matahwa o Cikristu o Cigiriki, mu Bhaibheri iri. Vonanyi Kudurujihwa ko Magama.
^ Rinoezana no zina ro Cihebheru rokuti Jeshuwa kana Joshuwa, rinoreva kuti “Jehovha Muponesi.”
^ Vonanyi Kudurujihwa ko Magama.
^ Vonanyi Kudurujihwa ko Magama.
