Mikeya 7:1-20
7 Yowee kwandiri! Ndingaezana nani?Ndingaezana no mundhu wokuti pasure po kukotora mucero jo mukuvo wo cirimoPasure po kuunganija uvha jasara pa kukotohwa,Aawani canja co uvha kuti ahe,Nee figu rokutanga raanoda.
2 Apacina mundhu wakagondeka pasi pano;Apacina mundhu wakarurama pakati po vandhu.
Vandhu vese vanogara vecinyangira kuti vauraye mundhu.
Mundhu wese anonyanga hama yake ngo juya.
3 Ivona vaashasha jo kuita zvakashata ngo nyara javo;Mutungamiriri anovangirija,Mutongi anokumbira kudyekehwa,Mundhu ano nduma anoita kuti vandhu vazive zvaanoda,Vese vanoita zviro izvi pamwepo.
4 Mundhu anoita zvakanaka kupinda vese pakati pavo, wakaita inga muzwa,Mundhu wakarungama kupinda vese pakati pavo, wakashata maningi kupinda rusosa wo muzwa.
Inozoguma njiku yakaziviswa ngo varindiri vako no njiku yo kutongwa kwako.
Vese vanozotetemera.
5 Mucathemba vadoni venyuMucathemba shamwari yenyu yo phedo.
Ngwariranyi zvamunobhuya no mundhu anovata pa cifuva cenyu.
6 Mwana anoshora baba vake,Mwana wokaji anopandukira make,Nyamwana* inohwisana na nezvara* wayo;Vavengi vo mundhu ndi vandhu vo pamuzi pake.
7 Asi kwandiri, ndinozoenderera mberi ndakarinda ndeciimira Jehovha.
Ndinozoimira ndecisengerera Mwari wo ruponeso hwangu.
Mwari wangu anozondizwa.
8 Iwewe muvengi* wangu, ucadakara ngo dambujiko rangu.
Pikija ndawa pasi, inini ndinozomuka;Pikija ndakagara mu cidima, Jehovha anozova ruvheneko hwangu.
9 Ndinozocijikira ushungu hwa Jehovha.Ngokuti ndakashaishira iyena.Mbhera aviye ku divi rangu onditonga ngo ururami.
Wondiendesa ku ruvheneko;Ndozovona ururami hwake.
10 Muvengi wangu anozozvivonavo izvi,Kupseruka kunozofukija wiya anondivhunja kudari:
“Ari kwapi Jehovha Mwari wako?”
Majiso angu anozomuvona.
Iyena anozocikwa inga matope o mugwanja.
11 Inozova njiku yokuvaka mupfimbiji yako yo mapuwe.Mu njiku yondhoyo, mugano yako inozoengejehwa kukura kwayo.
12 Pa njiku yondhoyo vanozoviya kwauriVecivha ku Asiriya no kumadhorobha o Ejipita,Kuvha ku Ejipita mbhera kumurambo;*Kuvha ku jombe mbhera ku jombe, kuvha ku dundhu mbhera ku dundhu.
13 Nyika inozogara icina vandhu ngo ndava yo vagari vayo,Ngo pamusana po zvavakaita.
14 Havisanyi vandhu venyu ngo ndonga yenyu, mushambi wo ndhaka yenyu,Waigara mushango* pakati po cau.*
Ngauhave mu Bhashani no mu Giriyadhi, inga zvawaiita kare.
15 “Ndinozovakhombija zviro zvinoshamaisa,Inga mu njiku yavakabuda mu nyika yo Ejipita.
16 Majinja anozozvivona ozopseruka pikija ano simba.
Vanozobata muromo yavo;Njeve javo jinozoita mandondo.
17 Vanozonakata bukuta inga nyoka;Inga zvinyama zvinogwezva panyika, vanozobuda vecindhya-ndhya mu ndau javo jokutizira.
Vanozoenda kuna Jehovha Mwari wedu vecitetemera,Ivona vanozomuthya.
18 Ndiyani Mwari wakaezana na imwimwi,Anoregerera kuposa no kushaisha kwakasara pakati po vandhu vake?
Iyena aagari akanyangajwa mbhera narini,Ngokuti anodakarira rudo hucikacinji.
19 Iyena anozotiitirazve usizi, ozocika-cika kuposa kwedu.
Munozokhandira zvishaishi zvavo pasi po jombe.
20 Imwimwi munozokhombija kugondeka kwenyu kuna Jakobe,Rudo hwenyu hucikacinji kuna Abhirahama,Inga zvamakapikira majibaba edu kuvhira kare no kare.
Masoko o Pasi
^ Kana: “mukaji mwana.”
^ Kana: “nesvara.”
^ Mucihebheri, gama rakasandujwa kuti “muvengi” apa, riri kunangira muvengi wokaji.
^ Kana kuti, Eufrati.
^ Kana: “gwasha.”
^ Kana: “munda wo mucero.”
