Nduyo 142:1-7
Masikiri.* Mukumbiro wa Dhavhidhi paainga mu bambha.*
142 Ngo izwi rangu, ndinodaninja Jehovha kuti andibesere;Ngo izwi rangu, ndinodeketerera unyasha hwa Jehovha.
2 Pamberi pake, ndinomuvhunja zvineso zvangu;Pamberi pake, ndinomuvhunja zviro zvinonditambuja.
3 Panopera simba rangu mukati mwangu,
Imwimwi munovonerera gwanja rangu.
Mu gwanja randinofamba ndirona,Vandhu vanonditeera murau kuti vandibate.
4 Ringisanyi mukono wangu wo muho muvone,Akuna mundhu anonditaja.
Akuna ndau yandingatizira;Apana mundhu anoneseka ndini.
5 Jehovha Mwari wangu, inini ndinomudaninja ndeciti:
“Imwimwi muri citiziro cangu,Muri zvese zvandinazvo mu upenyu hwangu.”
6 Nasanyi kuzwa kucema kwandiri kuita ndecida besero,Ngokuti ndiri kuhwajihwa maningi.
Ndiponesenyi ku vaya vari kunditeverera,Ngokuti ivona vakavanga maningi kupinda inini.
7 Ndivhisenyi mu kadheya,Kuti ndisimbe zina renyu.
Ngo kuita kudaro, vandhu vakarurama vanozodakara na inini.Pavanovona kuti imwimwi mandiitira zvakanaka.
