Nduyo 27:1-14
Nduyo ya Dhavhidhi
27 Jehovha ndiyena ruvheneko wangu no ruponeso wangu.
Ndinozothya ani?
Jehovha indau yokutizira yo upenyu hwangu.
Ndinozothya ani?
2 Vakashata vanondihwisa kuti vandikhuvaze,Vandhu vanondishora no vavengi vangu vanokhugunyika vowa.
3 Pikija masoca akanditendeneja kuti andihwise,Mwoyo wangu auzothyi.
Pikija vakaita hondo na inini,Inini ndinozoenderera mberi ndecithemba.
4 Ciro cimwe candinozokumbira JehovhaNdicona candinozopsaka,Cokugara pa nyumba ya Jehovha mu upenyu hwangu hwese,Kuti ndidakajihwe ngo unaki hwa JehovhaNo kuvona themberi yake.*
5 Ngokuti pa njiku yo dambujiko, iyena anozondingwarira pa ndau yake yakangwaririka;Iyena anozondiviga mu ndau yake yakafisika pa tende yake;Iyena anozondidira panyezuru po buwe.
6 Wari musoro wangu uri panyezuru po vavengi vangu vakanditendeneja;Ndinozopa mupiro ndakadakara maningi mu tende yenyu;Ndozoimbira Jehovha ndumbo jokusimba.
7 Jehovha Mwari wangu, ndizwenyi pandinomudaninja;Ndiitirenyivo unyasha, mundidavire.
8 Ngo mu mwoyo mwangu, ndinorangarira mutemo yenyu ndeciti:
“Psanganyi kumeso kwangu.”
Jehovha Mwari wangu, inini ndinozopsanga kumeso kwenyu.
9 Mucandifisira kumeso kwenyu.
Pamunonga makanyangajwa, mucaramba mushandiri wenyu.
Imwimwi muri mubeseri wangu;Mucandisiya nee kundiregera, imwimwi Mwari wo ruponeso wangu.
10 Pikija baba wangu na mai wangu vakandisiya,Jehovha anozondikorondha.
11 Jehovha Mwari wangu, ndijijisenyi gwanja renyu,Nditungamirirenyi mu gwanja ro urungami ngo ndava yo vavengi vangu.
12 Mucandidira mu nyara jo vandhu vanondizonda,Ngokuti zvapupu zvokunyepa, zviri kundipumbha,Izvona zviri kundithyisijira kuti zvindikhuvaze.
13 Nondainga ndicina rutendoNdaizodeno ndiri kwapi kuti ndivone unaki wa Jehovha?*
14 Imirai Jehovha;Ivai wakacunga, uvange mwoyo.
Hina, imirai Jehovha.
Masoko o Pasi
^ Kana: “ndau yake yakacenesesa.”
^ Kangaije: “Inini ndino rutendo hwokuti ndinozovona unaki wa Jehovha.”
