Nduyo 40:1-17
Ku mutungamiriri. Nduyo ya Dhavhidhi.
40 Ndakavetera Jehovha ngo mwoyo wangu wese,Iyena wakasheyamija njeve yake kwandiri,* opurukira kudeketera kwangu ndecikumbira besero.
2 Iyena wakandivhisa mu mwimbo uno kumwa inovhuma,Wakandibudisa mu gandhwa rino matope.
Iyena wakadira soka jangu panyezuru po buwe;Oita kuti ndifambe pa ndau yakavoma.
3 Ngo kudaro, iyena wakandijijisa ndumbo imbza,Yo kusimba Mwari wedu.
Vazinji vanozovona izvi voshamaisikaVozothemba Jehovha.
4 Anodakara mundhu anothemba JehovhaIyena aathembi vandhu vacikazwiri no vanonyepa.
5 Jehovha Mwari wangu,Makaita zviro zvakawanda,Zviito zvenyu zvinoshamaisa zvakawanda maningi, murangariro yenyu ngo pamusoro pedu yakawandazve maningi.
Akuna wakaezana na imwimwi;Kudari no ndaizviverenga no kuzvibhuya,Andicaizozvikwanisepi ngokuti zvakawanda maningi.
6 Amuzivi kuda mupiro no cipo,Asi makafunungura njeve jangu kuti inini ndizwe.
Amuzivi kukumbira zvipo zvokupiswa nee zvipo zvo cishaishi.
7 Ngo kudaro, inini ndakati: “Ndiri pano.
Mu muphukutu* makatahwa ngo pamusoro pangu.
8 Mwari wangu, inini ndinodakarira kuita kuda kwenyu,Mutemo wenyu uri mu mwoyo mwangu.
9 Ndinozivisa masoko akanaka o ururami pa ungano yakakura.
Andifungi muromo wangu,Jehovha Mwari wangu, imwimwi munonasa kuzviziva izvi.
10 Andivigi ururami hwenyu mu mwoyo mwangu.
Ndinozivisa kugondeka kwenyu no ruponeso hwenyu.
Andivigi rudo hwenyu hucikacinji no cokwadi cenyu pa ungano yakakura.”
11 Jehovha Mwari wangu, mucandirambira unyasha hwenyu.
Rudo hwenyu hucikacinji no cokwadi cenyu ngazvindingwarire nguva jese.
12 Matambujiko akanditendeneja akawanda maningi zvokuti andikwanisi kumaverenga.
Kuposa kwangu kwakawanda maningi zvokuti andikwanisi kuvona gwanja rangu;Kwakawanda maningi kupinda vhuji ro musoro mwangu.Izvi zvakandisuruvarisa.
13 Jehovha Mwari wangu, ndiitirenyivo unyasha, mundiponese.
Jehovha Mwari wangu, viyanyi ngo kukasika mundibese.
14 Vese vari kupsaka kundiuraya,Ngavanyowejwe no kushohwa.
Vese vanodakara ngo matambujiko anguNgavahwirire vakapseruka.
15 Vaya vari kundishora veciti: “Aha! Aha!”
Ngavatame no cokunanga ngo ndava yo kupseruka kwavo.
16 Vaya vanomupsakaNgavatambe no kudakara ngo ndava yenyu.
Vese vaya vanoda zviito zvenyu zvo ruponeso, ngavanange mukuvo wese kudari:
“Ngaakujwe Jehovha.”
17 Asi inini andina simba, ndiri murombo;Jehovha ngaanditaje.
Imwimwi muri mubeseri wangu no muponesi wangu;Mwari wangu, mucanonoka.
