Nduyo 53:1-6
Ku mutungamiriri. Maimbiro a Maharati.* Masikiri.* Nduyo ya Dhavhidhi.
53 Benji rinoti ngo mu mwoyo mwaro:
“Jehovha aako.”
Zviito zvaro zvicizivi kururama zvakashata, izvona zvinosembhusa;Apana ari kuita zvakanaka.
2 Asi Mwari anosota vana vo vandhu vo pasi pano ari kudengaKuti avone dangani aripo mundhu ano uzivi, no kuvonazve kuti dangani pano mundhu anopsaka Jehovha.
3 Vese vakasvejeka;Vese vari kuita zviro zvicizivi kururama.
Apana na umwe ari kuita zvakanaka,Apana na umwe hake.
4 Kureva kuti pakati po vandhu vanoita zviro zvakashata, apana ano uzivi here?
Ivona vanoha vandhu vangu inga mahire ovanoita pau.
Apana ari kudaninja Jehovha.
5 Asi ivona vanozothya maningi,Kuthya kwavacizivi kumbova nako,Ngokuti Mwari anozondhandhanisa maphondo* o vandhu vaya vari kukuhwisa.
Zvecivoneka kuti Jehovha wakavaramba, iwewe unozovanyoweja.
6 Ruponeso hwo Vaiziraeri ngahuvhe ku Ziyoni!
Jehovha paanozoviisa vandhu vake kuvha kuuranda,Jakobe ngaatambe, Iziraeri ngaadakare.
Masoko o Pasi
^ Vonanyi Kudurujihwa ko Magama.
^ Vonanyi Kudurujihwa ko Magama.
^ Vonanyi Kudurujihwa ko Magama.
