Nduyo 64:1-10
-
Kujivirihwa pa kuhwiswa kwakarongwa mucifise-fise
-
“Mwari anozovafura” (7)
-
Ku mutungamiriri. Nduyo ya Dhavhidhi.
64 Mwari wangu, izwanyi izwi rangu pandinomudeketerera.
Ngwariranyi upenyu hwangu pandinohwiswa ngo vavengi vangu.
2 Ndingwarirenyi ku mazano akafisika o vandhu vakashata,Ku mazano o vandhu vakawanda vanoita zvakashata.
3 Ivona vanorojera rurumi hwavo inga banga;Masoko avo akashata anoita inga mupasha jakapakwa,
4 Vari pa ndau yavo yokufindara, vanofura mundhu acina ndava;Vanomufura ngo civhumbu vacingathyi.
5 Ivona vanoenderera mberi vano cido cavo cokuita zvakashata;Ivona vanopangana manera okuviga murau javo.
Vanoti: “Ndiyani anozojivona?”
6 Vanopsaka njira imbza jokuita zviro zvakashata;Vanoronga kuita zvakashata mucifise-fise, vacikavhunji mundhu ari wese;Apana mundhu anoziva murangariro javo no zviri mu mwoyo mwavo.
7 Asi Mwari anozovafura ngo mupasha;Ivona vozokhuvazika ngo civhumbu.
8 Ivona vanozourawa ngo ndava yo masoko* avo;Vese vanonga vecizvivona izvi, vanozojunguja musoro.
9 Ngo kudaro, vandhu vese vanozothya.Ivona vanozozivisa zvakaithwa ndi Mwari,No kuzwisisa zviito zvake.
10 Mururami anozodakara ngo ndava ya Jehovha, ozotizira kwaari;Vese vano mwoyo yakarungama vanozotamba ngo kudakara.
Masoko o Pasi
^ Gama ngo Gama: “rurumi hwavo.”
