Nduyo 75:1-10
-
Mwari anotonga ngo ururami
-
Vandhu vanoita zvakashata vanozomwa zviri mukopo ya Jehovha (8)
-
Ku mutungamiriri. Mumbo unozwi “Mucandiparaja.” Nduyo ya Azafi.
75 Mwari wangu, tinobonga imwimwi, itusu tinobonga imwimwi;Zina renyu riri phedo,Vandhu vanozivisa mabasa enyu anoshamaisa.
2 Munoti: “Pandinogaja nguva,Inini ndinotonga ngo ururami.
3 Nyika payakazungunyika no vagari vayo vese,Ndini ndakaita njiki jayo jigare jakavanga.” (Sera)
4 Inini ndakavhunja vandhu vanozvikuja kudari: “Mucazvitutumaja,”
Ndovhunja vandhu vanoita zvakashata kudari: “Mucazvikuja ngo ndava yo simba renyu.
5 Mucakhwijirija maningi simba renyuNee amuvhiri kuvereketa ngo maitiro o kuzvikuja.
6 Ngokuti kukujwa akuvhiKumavhazuva, kumavirira nee kakusi.
7 Ngokuti Mwari ndiyena mutongi.
Iyena anododokesa umwe okuja umweni.
8 Ngokuti mu nyara ma Jehovha muno kopo;Vhinyu iri kupupira, iyona yavhenganijwa,
Iyena anozoidurura,Vandhu vese vo panyika vanozoimwa mbhera* vopeja yese kamare.”
9 Asi kwandiri, ndinozozivisa zviro izvi kwenda no kwenda;Ndinozoimba ndumbo jokusimba Mwari wa Jakobe.
10 Ngokuti iyena anoti: “Ndinozopeja simba rese ro vandhu vanoita zvakashata,Asi simba ro vandhu vakarurama rinozoengejeka.”
Masoko o Pasi
^ Kana: “ku macece ayo, ku maseke ayo.”
