Nduyo 76:1-12
Ku Mutungamiriri. Ndumbo inorijwa ngo zvinorijwa ndizvona zvo shinda. Ndumbo ya Azafi.
76 Mwari anozivika mu Judha;Zina rake rakakura mu Iziraeri.
2 Iyena anozororera mu Saremi,Iyena anogara mu Ziyoni.
3 Kondhono iyena wakagura mupasha inopisa yo uta,Muvhiko, banga no zvijito zvo hondo. (Sera)
4 Imwimwi munomunikira maningi;Makakura maningi kupinda matundhu akazara ngo zvinyama zvo musora.
5 Vandhu vakacunga vakatorehwa zviro zvavo.
Ivona vainga vakavata;Masoca ese akapera simba.
6 Pamberi po kupanica kwenyu imwimwi Mwari wa Jakobe,Vafambisi vo ngoro* no vo haci vanofa.
7 Imwimwi ndimwi basi munoshamaisa.
Ndiyani angacijikira ushungu hwenyu?
8 Muri kudenga, makazivisa matongero enyu;Nyika yakathya, yogara yakanyarara
9 Mwari paakamuka kuti atonge,Kuti aponese vandhu vese vakapfava pa nyika. (Sera)
10 Ngokuti hasha jo mundhu, jinozomuita kuti imwimwi musimbhwe;Imwimwi munozoreremejwa ngo ndava yo hasha javo jinonga jasara.
11 Itiranyi mbhiko Jehovha Mwari wenyu no kukwanirisa zvomakapika,Vandhu vese vakamutendeneja, ngavamuviisire zvipo vecithya.
12 Iyena anozododokesa vatungamiriri vanozvikuja;Majimambo o panyika anomuthya.
Masoko o Pasi
^ Kana: “kareta.”
