Bhaibheri rinotivhunja kuti tinodikana kutaja Makristu avasharuka inga majimai no majibaba edu, vaya vaciri majaha inga hama jedu. (Verenganyi 1 Timoti 5:1, 2.) Hama maningi-ningi jinodikana kureremeja hambzaji.

Hama aidikani kutamba no hambzaji yeciita inga inoida kana kuita ciri cese cinoita kuti hambzajiyo itame kujizwa ushoni painonga iripo hama yondhoyo. (Job. 31:1) Hama icizivi kucadha aidikani kuita kuti hambzaji icizivi kucadha irangarire kuti iyona inoida kuveni aiidi.

Vakuru vanodikana kupurukira hambzaji jinoita muvhunjo ngo nderemejo kana hambzaji jiya jinonanga zviro zvinosisira. Vakuru vanodikanazve kureremeja hambzaji jicina majimwamuna kuti vajijivirire.—Rt 2:8, 9.

VONANYI VHIDHIYO INOTI RAMBANYI MECITATIJA RUDO HUCIKAPERI MU UNGANO—KU NONI NO NDHERERA , PERAPO DAVIRANYI MUVHUNJO JINOTEVERA:

• Ungano yakatatijisa kudini rudo hwakakura kuna Hambzaji Myint?

• Rudo hwakatatijwa ngo ungano hwakaitisa kudini ucapupu hwakanaka mundharaundhemo?

• Rudo hwakatatijwari ngo ungano hwakapsasisa kudini vana vokaji va Hambzaji Myint?

Ngojapi njira jimweni jinosisira jamungatatija ndijona kuti munoda hambzaji jiri mu ungano yenyu?